U Kamianieckim rajonie žančyna znajšła žalaziaku ŭ miascovym chlebie
Žycharka Kamianieckaha rajona nabyła zvyčajny chleb-«cahlinku», vyrableny na miascovym chlebazavodzie, ale ŭ bochanie znajšła mietaličny pradmiet, jaki byŭ zapiečany niepasredna ŭ skaryncy. Na vyhlad jon nahadvaŭ nievialikuju trubku abo šajbu, pišuć «Naviny Kamianieččyny».
Pakupnica sfatahrafavała znachodku 18 vieraśnia i pieradała fota vytvorcu. Na pradpryjemstvie paćvierdzili, što mietaličny pradmiet sapraŭdy moh trapić u chleb praź niaspraŭnaść abstalavańnia.
Jak patłumačyli na zavodzie, u noč pierad tym, jak žančyna nabyła chleb, u chlebapiakarnaj piečy ź linii, jakaja nakiroŭvaje pradukcyju, saskočyŭ łancuh. Miarkujecca, što ŭ hety momant adlacieŭ adzin z elemientaŭ macavańnia i trapiŭ u pustuju formu dla chleba, jaki vypiakali ŭ nastupnaj partyi.
Niaspraŭnaść była niaznačnaj: abstalavańnie chutka adramantavali, złamanuju detal zamianili, a prastoj pradpryjemstva praciahvaŭsia nie bolš za paŭhadziny.
Na chlebazavodzie dapuścili, što mietaličny elemient nie zaŭvažyli z-za jaho nievialikaha pamieru i čałaviečaha faktaru. Pradstaŭniki pradpryjemstva prynieśli pakupnicy svaje prabačeńni.
Kamientary