«U kaho jašče takija siurpryzy sustrakalisia?» — zadałasia pytańniem žančyna.
U internecie žycharka stalicy apublikavała fota kavałka chleba, unutry jakoha znachodziłasia klipsa ad upakoŭki. Sa słoŭ žančyny, jana heta znajšła ŭ samim pradukcie. Narezany chleb, jaki minčanka kupiła ŭ adnoj z kramaŭ Dana Mall, akazaŭsia z «siurpryzam», pišuć Minsk-naviny.
«Adzin ź lubimych, a tut siurpryz, dy jašče ŭnutry byŭ i amal nie byŭ bačny. U kaho jašče takija siurpryzy sustrakalisia? «Minskchlebpram», što ž vy tak padstaŭlajecie? A malaniaty chleb vaš taksama jaduć?» — źviarnułasia da pradpryjemstva rasčaravanaja pakupnica.
Dopis pabačyli supracoŭniki centra hihijeny i epidemijałohii Kastryčnickaha rajona, jakija pravieryli chlebazavod.
U pryvatnaści, 12 červienia śpiecyjalisty acanili vykanańnie piersanałam pradpryjemstva sanitarnych normaŭ i praviłaŭ pry vytvorčaści i ŭpakoŭcy chlebabułačnych vyrabaŭ.
— Fakty, vykładzienyja ŭ zvarocie, paćvierdzilisia. Zhodna z technałahičnym pracesam, upakoŭka pradukcyi z nastupnym klipsavańniem mietałapłastykavaj stužkaj ažyćciaŭlajecca jak finalny etap vytvorčaści. U vypadku prapusku (adsutnaści ŭpakoŭki z chlebam u jačejcy ŭpakovačnaj mašyny) aparat aŭtamatyčna «zaščoŭkvaje» klipsu.
Svabodnaja pustaja klipsa moža ŭpaści na stužku transparciora narezanaha chleba albo na rabočuju pavierchniu, dzie ažyćciaŭlajecca fasoŭka chleba ŭ pakiety. A paśla zakančeńnia vytvorčaha pracesu ažyćciaŭlajecca tolki vizualny kantrol upakavanaj pradukcyi, mietaładetekcyja nie praduhledžana. Heta značyć, što trapleńnie častki mietałapłastykavaj klipsy źjaŭlajecca parušeńniem technałahičnaha pracesu na linii fasoŭki. Kab hetaha nie dapuskać, pradpryjemstvu rekamiendavana ŭzmacnić vytvorčy kantrol na etapie ŭpakoŭki pradukcyi.
U SIZA KDB adšukaŭsia padpałkoŭnik Zara, jakoha siłaviki ličać analitykam Sachaščyka. Jak jon apynuŭsia ŭ Biełarusi — nieviadoma12
Kamientary