Saudaŭskaja Aravija pakinuła jeŭrapiejskija NPZ biez nafty na miesiac
Dziaržaŭnaja naftavaja kampanija Saudaŭskaj Aravii Saudi Aramco paviedamiła jak minimum dvum jeŭrapiejskim naftapierapracoŭčym pradpryjemstvam, što ŭ kastryčniku jany nie atrymajuć syruju naftu pavodle doŭhaterminovych kantraktaŭ. Pavodle infarmacyi ahienctva Bloomberg, heta rašeńnie tyčycca ŭsich jeŭrapiejskich kupcoŭ.
Prablemy z ekspartam uźnikli paśla taho, jak na minułym tydni bieśpiłotnik paškodziŭ naftapravod Saudi Aramco kala Čyrvonaha mora. U apošnija miesiacy jon zabiaśpiečvaŭ asnoŭnuju častku ekspartu saudaŭskaj nafty, pakolki Armuzski praliŭ na supraćlehłym baku krainy zastajecca zabłakavanym.
Jeŭrapiejskija kampanii zvyčajna atrymlivajuć saudaŭskuju naftu na padstavie doŭhaterminovych damoŭ, jakija harantujuć rehularnyja štomiesiačnyja pastaŭki. Skaračeńnie impartu ŭžo paŭpłyvała na rynak: cana fizičnych pastavak nafty Dated Brent na hetym tydni pieravyšała 130 dalaraŭ za baral. Pry hetym fjučarsy Brent na najbližejšy miesiac daraželi tolki da 109 dalaraŭ, a ŭ piatnicu ich košt apuściŭsia nižej za 105 dalaraŭ.
Na fonie deficytu nafty polskaj kampanii Orlen užo daviałosia terminova šukać inšych pastaŭščykoŭ. Adsutnaść saudaŭskaj nafty ŭ kastryčniku moža prymusić jeŭrapiejskija naftapierapracoŭčyja zavody jašče bolš aktyŭna šukać alternatyŭnyja krynicy syraviny, što moža pryvieści da dalejšaha rostu cen u rehijonie.
U Saudi Aramco raźličvajuć častkova adnavić pracu paškodžanaha naftapravoda ŭ najbližejšyja niekalki dzion, a całkam vyvieści jaho na poŭnuju mahutnaść — na praciahu šaści tydniaŭ.
Jeŭrapiejskim kupcam zručna atrymlivać naftu praz port na Čyrvonym mory. Adtul jaje možna pierapampoŭvać pa jehipieckim naftapravodzie ŭ mižziemnamorski port Sidzi-Kieryr, dzie naftu zahružajuć na tankiery dla dalejšaj dastaŭki na jeŭrapiejskija naftapierapracoŭčyja zavody.
Kitaj paprasiŭ Iran strymać jemienskich chusitaŭ
Cana rasijskaj nafty na fonie abvastreńnia na Blizkim Uschodzie padskočyła da $110 za baral
Bujny saudaŭski naftapravod moža być vyviedzieny sa stroju na niekalki tydniaŭ
Jemienskija chusity zachapili stratehičnyja astravy Bab-el-Mandebskaha praliva. Adzin z najbujniejšych handlovych šlachoŭ faktyčna apynuŭsia pad kantrolem bajevikoŭ
Saudaŭskaja Aravija prypyniła pracu naftapravoda «Uschod — Zachad» paśla ataki dronaŭ z terytoryi Iraka. Pa im idzie 5% suśvietnaj nafty
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj46
Kamientary