«Bolš nie budzie tak, što pakutuje tolki kraina, na jakuju napali». Zialenski adkazaŭ na zaklik Trampa spynić vajnu
Prezident Ukrainy Uładzimir Zialenski ŭ adkaz na post u sacsietcy X prezidenta ZŠA Donalda Trampa, u jakim toj zajaviŭ pra prablemy Rasii z-za ŭkrainskich udaraŭ u vyrabie nieabchodnaha ŭsiamu śvietu dyzielnaha paliva i zaklikaŭ skončyć vajnu, napisaŭ svoj.
«Rasija, na žal, straciła kantrol nad svajoj dyzielnaj pramysłovaściu praz vajnu z Ukrainaj. Vialikaja kolkaść ich dyzielnych naftapierapracoŭčych zavodaŭ była padarvanaja i, prynamsi časova, vyviedzienaja z ładu. Hetaja biazhłuzdaja i biaźmiežnaja vajna z Ukrainaj pavinna być spynienaja. Uvieś śviet pakutuje, bo štomiesiac hinie 25 000 čałaviek, u asnoŭnym sałdat. Jakaja hańba!», — napisaŭ Donald Tramp.
Uładzimir Zialenski ŭ svaim adkazie pahadziŭsia, što vajna biazhłuzdaja i pavinna być spyniena, ale źviarnuŭ uvahu na važnyja niuansy prablemy:
«Sapraŭdy, hetaja rasijskaja vajna biazhłuzdaja i pavinna być spyniena. Ź pieršaha hoda paŭnamaštabnaha ŭvarvańnia jaje nastupstvy mieli dalokasiažny charaktar: strata mnohich žyćciaŭ, razbureńnie haradoŭ i siołaŭ, charčovaja biaśpieka, vykliki ŭ śfiery enierhietyki, nadzvyčajnyja tempy technałahičnaha raźvićcia, uklučajučy aŭtanomnyja drony, i chutkaje ŭdaskanaleńnie ŭdarnych mahčymaściaŭ, jakich raniej nikoli nie nazirałasia. Kožny novy tydzień hetaj vajny, nie kažučy ŭžo pra kožny novy hod, dadaje ŭsio bolš i bolš prablem.
Z samaj pieršaj chviliny Ukraina imknułasia da miru. My ŭžo zrabili dziasiatki dypłamatyčnych prapanoŭ adnosna taho, jak hodna spynić hetuju vajnu, harantavać biaśpieku i praduchilić novyja rasijskija ŭvarvańni. Prosta zaraz idzie dyjałoh z prezidentam Trampam i Amierykaj. Na stale taksama jość idei pa nabližeńni miru, pačynajučy z mocnych krokaŭ pa deeskałacyi.
Enierhietyčny siektar Ukrainy, krytyčnaja infrastruktura i naš charčovy ekspart pavinny pierastać być mišeniami dla Rasii, i heta pryviadzie da adpaviednych krokaŭ pa deeskałacyi z našaha boku.
Rašeńni mahčymyja. My hatovyja pracavać nad hetym i abmiarkujem heta z našymi partniorami na palach Hienieralnaj Asamblei AAN u Ńju-Jorku. Ja dziakuju kožnamu, chto dapamahaje!
Bolš nie budzie tak, što pakutuje tolki kraina, na jakuju napali. Pryroda vajny zaraz takaja, što ahresar taksama budzie pakutavać. Technałohii robiać heta mahčymym.
Siła lidarstva krain moža — i pavinna — zabiaśpiečyć deeskałacyju, biaśpieku i mir», — napisaŭ Uładzimir Zialenski.
Tramp padčas telefonnaj razmovy ź Zialenskim nastojliva patrabavaŭ spynić udary pa rasijskich NPZ
Zialenski pravioŭ telefonnuju razmovu z Trampam
ZŠA papiaredzili Jeŭropu, što praz vajnu ź Iranam pastaŭki ŭzbrajeńnia mohuć adkłaści hadoŭ na piać
Kušnier Pucinu: Vy nam i hod nazad kazali, što za paru miesiacaŭ zojmiecie Danbas
Tramp prapanuje Pucinu biznes-ździełki z ZŠA da zaviaršeńnia vajny z Ukrainaj
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo6
Minčanka Anhielina, jakaja prasiła ŭ Łukašenki kvateru za trojniu, atrymała žyllo
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary