U Minsku źjaviłasia novaja handlovaja sietka. Pieršuju kramu adkryli z ažyjatažam
Tydzień tamu novaja handlovaja sietka pryjšła ŭ Homiel, a ŭ piatnicu Oliva adčyniłasia i ŭ Minsku. Pieršaja ŭ stalicy krama sietki pryhažości i čyścini pačała pracavać u Čyžoŭcy. Adkryćcio vyklikała ažyjataž siarod miascovych žycharoŭ, piša Realt.by.
Oliva — novaja sietka kramaŭ pryhažości i čyścini ŭ Biełarusi. Oliva naležyć hrupie kampanij «Dabranom», jakaja taksama raźvivaje sietki «Kapieječka» i «Majak». Paśla adkryćcia pieršaj kramy ŭ Homieli i vychadu ŭ Minsk sietka płanuje maštabnaje pašyreńnie pa ŭsioj Biełarusi.
Novy rytejler budzie raźvivacca ŭ siehmiencie kram z akcentam na nizkija ceny. Staŭka zroblena na dekaratyŭnuju kaśmietyku i kaśmietyku dohladu, parfumieryju, srodki hihijeny i bytavuju chimiju. Ich dapaŭniajuć tavary dla doma, dziaciej i chatnich žyvioł.
Minski mahazin płoščaj kala 100 «kvadrataŭ» adnosicca da farmatu «kala doma». Na palicach sabrany tavary ź Biełarusi i inšych krain. Asartymient adroźnivajecca ad inšych kramaŭ.
Z kaśmietyki i srodkaŭ hihijeny tut možna znajści micelarnuju vadu Garnier (400 mł) za 12,99 rubla, nabor z šampuniu Elseve (400 mł) i balzamu (300 mł) za 10,59 rubla, zubnuju pastu Colgate za 4,49 rubla i antypierśpirant Rexona (40 mł) za 7,99 rubla. Upakoŭka z vaśmi trochsłajovych rułonaŭ tualetnaj papiery Papia kaštuje 6,79 rubla.
U adździele bytavoj chimii možna nabyć srodak dla myćcia posudu Fairy (450 mł) za 4,79 rubla, parašok Tide (2,5 kh) — za 14,99 rubla, kandycyjanier Vernel (1,82 ł) — za 11,99 rubla. Upakoŭka Bimax z 80 kapsułami dla myćcia kaštuje 39,99 rubla.
«My pačynajem svajo raźvićcio ŭ Biełarusi. Minsk i Homiel stali pieršymi haradami, dzie adkrylisia kramy novaj sietki, ale nieŭzabavie ich možna budzie znajści i ŭ inšych haradach. Płany ŭ nas maštabnyja, i my bačym vialiki popyt siarod nasielnictva na jakasnyja niepraduktovyja tavary pa nizkich cenach», — adznačajuć u sietcy Oliva.
U mahazinie dziejničaje bonusnaja «Dobraja karta», jakuju biaspłatna afarmlajuć na kasie. Da 11 kastryčnika pa joj naličvajuć padvojnyja bonusy. Taksama dziejničaje kešbek 20% ad sumy pakupki tavaraŭ dla dohladu za vałasami i rotavaj połaściu. Niekatoryja tavary možna nabyć pa akcyi «2+1=3».
Na adkryćci było ažyŭlena: pryjšli sotni čałaviek. Ich sustrakali padarunkami, śpiecyjalnymi prapanovami i bonusami. Za pakupki možna było paŭdzielničać u biasprojhryšnaj łatarei.
Pieršaja minskaja krama Oliva pracuje štodnia z 09:00 da 22:00 u Čyžoŭcy pa prajeździe Haładzieda, 13.
Ciapier čytajuć
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary
Prijatno vidieť; čto pravilno podsčitali, no čto eto za akcija? Ja znaju akcii "voźmi 3 i zapłati za 2", a tut połučajetsia " zapłati za 3, voźmi 2 i trieťja biespłatno"?