Siońnia zbornaja Biełarusi zhulaje ŭ joj suprać Ałbanii.
«Kali vychodziš na pole ŭ novaj formie — prosta nieabchodna vyhladać elehantna. Adidas biare na siabie źniešni vyhlad, a ŭsio astatniaje zastajecca za nami. Dyzajn, u jakim splalisia tradycyi, sučasny rytm, technałohii niamieckaha kancerna i enierhija našych zaŭziataraŭ. Heta styl, pravierany časam», — paviedamiła Biełaruskaja fiederacyja futbołu, pakazaŭšy aficyjnuju hulniavuju formu nacyjanalnaj zbornaj.
Siońnia zbornaja Biełarusi biare start u novym rozyhryšy Lihi nacyj. Jana hulaje ŭ dyvizijonie S, a supiernikami pa hrupie buduć zbornyja Ałbanii, Finlandyi i San-Maryna.
U adroźnieńnie ad papiarednich razoŭ, kali zbornyja pravodzili pa dva matčy zapar, zaraz u hety adrezak času jany praviaduć adrazu čatyry hulni.
Siońnia zbornaja Biełarusi zhulaje ŭ Tyranie z Ałbanijaj (pačatak u 21:45), u aŭtorak u haściach ź Finlandyjaj, u nastupnuju subotu na niejtralnym poli ŭ Vienhryi z San-Maryna i 6 kastryčnika na niejtralnym poli ź Finlandyjaj. Jašče dva pajadynki projduć u listapadzie.
Pieramožca hrupy vyjdzie ŭ dyvizijon V, kamanda, što finišuje druhoj, zhulaje sa zbornaj, što zojmie 4‑ie miesca ŭ adnoj z hrup dyvizijona B.
Kamientary