Skoki pad «Łysaha» na vulicy Minska sabrali bolš za miljon prahladaŭ u jutubie
Ludziej u kamientarach zamiłoŭvaje taja žarść, ź jakoj tancujuć zvyčajnyja ludzi.
Žartaŭlivy taniec «Karapiet» byŭ vielmi papularny praz usio XX stahodździe. Tamu na jaho naradzilisia sotni prypievak: «A čaho ž ty, łysy, z vołasam rasstaŭsia? Ad taho, što rana ź dzieŭkami kačaŭsia!»
Nazva «Łysy» prylapiłasia da hetaha tanca, bo mienavita hetaje słova časta abyhryvali ŭ tekście.
Sam taniec pryjšoŭ u Biełaruś z Kaŭkaza, u jaho muzycy i samoj naźvie — armianskija matyvy.
Heta parny taniec, jaki vykonvajecca pa kole. Jon składajecca ź dźviuch častak: pieršaja — prystaŭny krok, druhaja — kružeńnie ŭ pary.
Videa, jak «Łysaha» vykonvajuć entuzijasty na Muzyčnym zavułku ŭ Minsku ŭ 2016 hodzie, a prostyja ludzi tancujuć, zavirusiłasia ŭ jutubie. Mnohija adhukalisia kamientarami.
«Ciapier hladžu i płaču, a moj muž kaža, čaho ty słuchaješ takuju staruju muzyku i płačaš? A ja ŭspaminaju svaich baćkoŭ i ŭspaminaju hetaje słova: «Karapiet», bo jany časta tancavali i pieli hetyja pieśni ŭ kampanii».
«Małajcy! Zdaroŭja vam i miru. U našaj vioscy taksama mnoha tancavali narodnych tancaŭ. Ale z 1986 hoda naša vioska zamaŭčała, jaje nie stała na karcie. I ja pahladžu na hetych tancujučych ludziej i na sercy viesialej».
«Ja była maleńkaj, i ŭ našym kłubie tancavali karapiet. Ja jaho zapomniła na ŭsio žyćcio. Dumała, užo jaho nie tancujuć, ale tak uschvalavałasia, kali ŭbačyła hetyja tancujučyja pary».
A voś tak vykonvali «Karapiet» biełarusy ŭ ZŠA ŭ 2015 hodzie:
A heta «Karapiet» u Niehlubcy, Vietkaŭski rajon, 2018 hod:
A voś jak «Karapiet» tancujuć Minsku ŭ 2022 hodzie, z harmonikam muzyka ź Sianna Hierman Bandarenka:
A heta «Karapiet» u Viazyncy ŭ 2023 hodzie:
A heta «Karapiet» u tyktoku ansambla «Vierbica», 2025 hod:
I jašče adzin «Karapiet» z 15 tysiačami łajkaŭ u tyktoku:
Nohi sami iduć u skoki, kali słuchaješ hetuju muzyku.
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś24
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy88
Kamientary
u piatnicu Lubka,
u subotu ty maja
si-i-izaja hałubka.
I jašče čuŭ:
Śpiekuliruj, babka,
śpiekuliruj, Lubka,
śpiekuliruj ty moja,
si-i-izaja hałubka.
Narodnaja tvorčaść!