Maładoha baćku z Karmy asudzili za Hajuna. Jaho adznačali jak addanaha sacyjalnaha rabotnika
Uładzisłaŭ Biedniakoŭ pracavaŭ u centry sacyjalnaha absłuhoŭvańnia i atrymlivaŭ hramaty za dapamohu ludziam. Ale niadaŭna maładoha baćku asudzili za palityku.
Uładzisłavu Biadniakovu 31 hod. Jon z Chojnikaŭ. Mužčyna skončyŭ Homielski dziaržaŭny ŭniviersitet imia Francyska Skaryny.
Niekalki hadoŭ jon pracavaŭ u Rasii ŭ maskoŭskich servisach dastaŭki i arendy samakataŭ, adnak niadaŭna viarnuŭsia ŭ Biełaruś. U jaho jość siamja: para čakaje druhoje dzicia.
Apošnim časam Uładzisłaŭ pracavaŭ u Karmianskim terytaryjalnym centry sacyjalnaha absłuhoŭvańnia nasielnictva. Jašče na pačatku 2026 hoda, padčas śviatkavańnia Dnia rabotnikaŭ sacyjalnaj abarony, Biedniakoŭ atrymaŭ hanarovy dypłom ad kiraŭnictva ŭstanovy za aktyŭnaść i addanaść prafiesii.
Adnak u hetym hodzie Uładzisłava asudzili za palityku. Homielski abłasny sud pryznaŭ jaho vinavatym pavodle častak 1 i 2 artykuła 361‑4 Kryminalnaha kodeksa — «sadziejničańnie ekstremisckaj dziejnaści».
Chutčej za ŭsio, pieraśled źviazany sa spravaj Hajuna. Mužčynu prysudzili chatniuju chimiju.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Adbylisia masavyja narodnyja pratesty suprać dyktatury i falsifikacyi vybaraŭ. Na heta ŭłady adkazali represijami.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 10050 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy, vymušanaja emihracyja) zakranuli sotni tysiač biełarusaŭ.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ, prajavy salidarnaści z Ukrainaj, antyvajennyja vystupy.
Šmatlikija kryminalnyja spravy apošniaha času pa artykule ab «sadziejničańni ekstremizmu» byli źviazanyja sa «spravaj Hajuna».
«Biełaruski Hajun» — manitorynhavy OSINT-prajekt, jaki byŭ stvorany ŭ 2022 hodzie, kali Rasija praź Biełaruś napała na Ukrainu. Prajekt adsočvaŭ vajennuju aktyŭnaść rasijskich i biełaruskich vojskaŭ, abapirajučysia na infarmacyju ad biełarusaŭ. Kaardynavała jaho dziejnaść hrupa aktyvistaŭ na čale z Antonam Matolkam.
«Sprava Hajuna» pačałasia paśla taho, jak siłaviki zatrymali aktyvistku, jakaja niekalki hadoŭ žyła ŭ Biełarusi ŭ padpolli. U jaje mabilniku znajšli spasyłku na dałučeńnie ŭ bot Hajuna, jakuju joj dasyłali ŭ samym pačatku isnavańnia prajekta. Fatalnaja pamyłka była ŭ tym, što spasyłka była biesterminovaja. A tamu siłaviki zmahli padklučycca da bota i vypampavać adtul usiu infarmacyju. Jany atrymali paviedamleńni akaŭntaŭ, jakija pisali ŭ bot, a taksama ichnija ID i imiony karystalnikaŭ.
«Naša Niva» — bastyjon biełaruščyny
PADTRYMAĆMajstra aŭtacentra «Reno» ź Minska pasadzili za dapamohu represavanym, a paśla zaviali jašče adnu spravu
56‑hadovuju čynoŭnicu ź Biešankovičaŭ asudzili adrazu pa piaci palityčnych artykułach
28‑hadovuju ŭkrainku z Maryupala asudzili ŭ Minsku za palityku. Čamu jana pryjechała z Polščy ŭ Biełaruś, niajasna
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam7
Kamientary
Bo jość peŭny dośvied, jaki nadychaje hetych *******.
Jak by na Łatušku nie napadali łukašnia z paźniakoŭcami i inš., jon raspačaŭ adkaznuju spravu pa MKS, kab spynić biespakaranaść złačyncaŭ.