28‑hadovuju ŭkrainku z Maryupala asudzili ŭ Minsku za palityku. Čamu jana pryjechała z Polščy ŭ Biełaruś, niajasna
Praz składanaści z pracaj i zdaroŭjem Aksana Dziačuk sabrałasia viartacca ŭ rodny horad, chaj i pad akupacyju.
Aksana Dziačuk naradziłasia ŭ 1998 hodzie ŭ Maryupali. Viasnoj 2022 hoda, kali rasijskija vojski šturmavali horad, jana adčajna sprabavała znajści ŭ łakalnych čatach maci — nastaŭnicu Natallu Jaŭstafjeŭnu, ź jakoj bolš jak na miesiac źnikła suviaź.
Kvatera siamji była źniščanaja, a maci ŭ vyniku zastałasia biez žytła. Sama Aksana tady zmahła vyjechać na Vałynščynu (u Turyjsk i Koviel), ale ŭžo ŭ listapadzie 2022 hoda šukała mahčymaści vyjezdu dalej na zarobki.
Uvosień 2023 hoda dziaŭčyna pierajechała ŭ Polšču razam sa svaim chłopcam-biełarusam. Jany pasialilisia ŭ horadzie Zialona-Hura, dzie Aksana ŭładkavałasia pracavać na skład. U emihranckich čatach jana vyśviatlała jurydyčnyja tonkaści dla svajho chłopca ź biełaruskim pašpartam.
Pry kancy 2025 hoda Dziačuk dzialiłasia svaim rasčaravańniem praź niavyrašanyja pobytavyja spravy i chvaroby: «Zachvareła, nie vyrašyła pytańnie z pracaj i ciapier, padobna, daviadziecca viartacca ŭ rodny horad. Nie zrabiła i pałovu taho, što chacieła».
Što adbyłosia paśla — niezrazumieła. Dziačuk pajechała ŭ Biełaruś — ci praź Biełaruś, — ale trapiła ŭ SIZA. Adbyłosia heta na pačatku hetaha hoda.
Aksanu Dziačuk asudzili ŭ Minskim haradskim sudzie za «sadziejničańnie ekstremisckaj dziejnaści» (č. 1 art. 361‑4 KK). Zvyčajna ŭ takich vypadkach ludziej sudziać za pieradaču źviestak pra pierasoŭvańnie rasijskich vojskaŭ, infarmacyjnuju dapamohu Ukrainie i palitviaźniam, intervju niezaležnym i zamiežnym miedyja.
«Naša Niva» — bastyjon biełaruščyny
PADTRYMAĆAjcišnik pajechaŭ z Łodzi na śviaty ŭ Biełaruś i trapiŭ za kraty. Što pra jaho viadoma
Markietołah prahnozu nadvorja WindyApp pryjechaŭ na radzimu — i jaho pasadzili na piać hadoŭ za kryptadanaty Ukrainie
U Homieli za palityku asudzili kiraŭnika abjadnańnia, jakoje šukaje pareštki achviaraŭ vajny i stalinskich represij, i jaho žonku-miedsiastru
Kamientary
Cełyja čaty ŭkraincaŭ jość, dzie jany abmiarkoŭvajuć, jak praź Biełaruś chłopcam pryzyŭnoha ŭzrostu trapić u Jeŭropu. I jutub-kanały, dzie jany dzielacca vopytam.
(Možacie sami ŭ jutubie nabrać "Pobieh iz Ukrainy v Biełaruś, Pobieh čieriez Biełaruś").