«Za heta ŭ turmu treba sadzić». Łukašenku aburyła, jak ciarebiać lon na rodnaj Škłoŭščynie
Alaksandr Łukašenka ź inśpiekcyjaj naviedvaje Škłoŭski rajon. Jon naviedvaje sielhaspradpryjemstva «Haviady-Ahra», piša BiełTA.
Mienavita na hetym poli sioleta apracoŭvali lon, adnak jakaść uborki hetaj kultury pakidaje žadać lepšaha.
«Vy chacieli pakazać, jak nie treba pracavać? Za heta treba ŭ turmu sadzić. Heta takoje cierableńnie lonu? Ahidna. Ja ad ciabie (staršyni Mahiloŭskaha abłvykankama — NN) hetaha nie čakaŭ. A vam (kiraŭniku Minsielhascharča i pamočniku ŭ rehijonie — NN) ja b paraiŭ teoryjaj spynić zajmacca, a pačać zajmacca kankretnymi spravami. Heta žach, kašmar. Budziem raźbiracca. Takoha być nie pavinna. Lon — vy jaho prybrali tut? Vy jaho zahubili tut», — skazaŭ Łukašenka.
Źviartajučysia da čynoŭnikaŭ, jon zrabiŭ vysnovu: «Heta kaža pra toje, što vy topčaciesia tam, dzie čaściej byvaje prezident i dzie kala darohi bližej. A ŭ miadźviedžyja vuhły vy nie zajazdžajecie. Kali vy ryzyknuli prezidenta pasadzić na hetaje pole, to astatnija ŭ vas naohuł u žachlivym stanie».
Łukašenku prainfarmavali pra situacyju na pradpryjemstvie. Niadaŭna tut pamianiali kiraŭnika. Jość tolki zapyt na niekalki dadatkovych adzinak enierhanasyčanych traktaroŭ i kambajnaŭ.
Łukašenka adznačyŭ, što nie prablema — dać kamandu na pastaŭku techniki, ale pytańnie ŭ tym, jak heta haspadarka pry takoj pracy za jaje raźličycca. «Kuplaj. Ale što ty kupiš za hety lon? Tut dyscypliny elemientarnaj niama. Kali niama technałohii, navošta davać traktary i kambajny?» — zaŭvažyŭ jon.
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary