Niamieckaja prakuratura vystaviła abvinavačańnie mierkavanaj rasijskaj špijoncy. Joj pahražaje 10 hadoŭ turmy.
Rasśledavańnie spravy Iłony V., padazravanaj u špijanažy na karyść Rasii, padyšło da kanca, piša niamieckaje vydańnie «Bild». Fiederalnaja prakuratura Hiermanii vystaviła PR-śpiecyjalistcy niamiecka-ukrainskaha pachodžańnia abvinavačańnie ŭ «ahienturnaj dziejnaści ŭ intaresach raźviedki» Rasii. Sud projdzie ŭ Bierlinie.
Hety vypadak vyklikaŭ šyroki rezanans pa ŭsioj Hiermanii. Na Iłonu V. nadzieli kajdanki ŭ studzieni ŭ Bierlinie. Śledčyja abvinavačvajuć jaje ŭ tym, što jana źbirała infarmacyju dla rasijskaha HRU i naładžvała kantakty ŭ palityčnych kołach i kołach, źviazanych ź biaśpiekaj.
Iłona V. padbirałasia nie tolki da asiarodkaŭ rasijskaj emihracyi, ale i da centraŭ ułady Hiermanii. Na hiermana-ŭkrainskim forumie ŭ śniežni 2025 hoda joj udałosia apynucca ŭsiaho za niekalki mietraŭ ad kanclera Frydrycha Mierca i prezidenta Ukrainy Uładzimira Zialenskaha. Pakul jany siadzieli ŭ pieršym radzie, Iłona V. zaniała miesca prosta za imi i zdymała.
U toj momant niamieckaja kontrraźviedka, musić, užo daŭno trymała jaje ŭ poli zroku.
Pavodle danych śledstva, Iłona V. nie paźniej za kastryčnik 2023 hoda ŭžo pracavała na supracoŭnika rasijskaj śpiecsłužby pry pasolstvie ŭ Bierlinie. Jana infarmavała jaho pra mierapryjemstvy vysokaha ŭzroŭniu i ŭ niekatorych vypadkach zabiaśpiečvała jamu dostup da važnych sustreč, kab toj moh sam zaviazać kantakty ŭ palityčnych kołach. Akramia taho, jana źviartałasia da supracoŭnikaŭ ministerstva abarony i zdabyvała infarmacyju pra niamieckuju pramysłovaść.
Pavodle infarmacyi «Bild», u Iłony V. byŭ propusk u Bundestah, i jana naviedvała mierapryjemstvy ministerstvaŭ, pasolstvaŭ i palityčnych arhanizacyj. Na fatahrafijach jaje, u pryvatnaści, možna ŭbačyć na dachu Ministerstva zamiežnych spraŭ.
Iłonie V. udavałasia heta ŭ tym liku tamu, što jana była staršynioj Fiederalnaha abjadnańnia binacyjanalnych tavarystvaŭ (BBG). Aficyjna abjadnańnie vystupaje za mižnarodny abmien i ŭzajemarazumieńnie pamiž narodami.
Kali sud paćvierdzić abvinavačańni, padazravanaj ahientcy pahražaje da dziesiaci hadoŭ pazbaŭleńnia voli.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary15
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary