RIA Naviny vydaliła tekst pra vajnu ź Litvoj. Bo «nie adpaviadaje dziaržaŭnaj palitycy»
Kałonka člena rasijskaha Savieta pa źniešniaj i abaronnaj palitycy Alaksandra Nasoviča, što Rasiju čakaje jašče adna «SVA», a mienavita vajna ź Litvoj, była apublikavana siońnia ranicaj.
U materyjale havaryłasia pra patencyjnuju mahčymaść Litvy raźmiaścić na svajoj terytoryi jadziernuju zbroju i pra toje, jak Rasija pavinna budzie na heta adkazać. Na dumku aŭtara materyjału, u takim vypadku Rasija moža admovicca ad uvodu suchaputnych vojskaŭ i adrazu nanieści rakietny ŭdar z adpaviednym zaradam.
«Nielha skazać, što ŭ Rasii zusim niama vybaru. U Rasii jość vybar: jak vajavać. Havorka navat nie pra toje, doŭha ci chutka. Zrazumieła, što chutka: vajenny kanflikt u Prybałtycy prosta ŭ siłu hieahrafii nie moža być takim ža, jak va Ukrainie», — ličyć Nasovič.
Publikacyju zaŭvažyli inšyja ŚMI, jakija napisali pra jaje. Nieŭzabavie kałonku z sajta RIA Naviny» vydalili.
Spačatku adkryvałasia staronka z pamyłkaj 404, a paźniej vydańnie vyrašyła rastłumačyć vydaleńnie materyjału.
«Artykuł pazaštatnaha aŭtara Alaksandra Nasoviča byŭ vydaleny z sajta ria.ru, pakolki nie adpaviadaje mierkavańniu redakcyi, redakcyjnaj palitycy i dziaržaŭnaj palitycy Rasijskaj Fiederacyi», — havorycca ciapier u paviedamleńni.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary