Z 28 vieraśnia na ŭčastku Minsk — Orša časova źmieniacca raskład i maršruty ruchu ciahnikoŭ. Źmieny buduć dziejničać da ŭviadzieńnia novaha hrafika ruchu na 2026—2027 hady.
Pryčynaj stali raboty pa madernizacyi čyhunačnaj infrastruktury na ŭčastku Kałodziščy — Haradzišča.
U asobnyja daty buduć admienienyja ciahniki №717/718 Maskva — Minsk — Maskva i №862/861 Minsk — Orša — Minsk. Tamu pasažyram, jakija płanujuć pajezdki hetymi maršrutami, prapanujuć zahadzia praduhledzieć inšyja varyjanty.
Źmieny taksama zakranuć raskład šerahu mižnarodnych ciahnikoŭ, u tym liku №1 Maskva — Minsk, №3/7 Maskva — Brest, №27 Maskva — Brest i №51 Sankt-Pieciarburh — Brest. Karekciroŭki buduć uniesieny i ŭ ruch asobnych ciahnikoŭ mižrehijanalnych i rehijanalnych linij.
Na maršrucie Minsk — Orša źmieniacca raskład i maršrut niekatorych ciahnikoŭ haradskich linij i rehijanalnych linij ekanomkłasa. Častka ciahnikoŭ u asobnyja daty budzie admieniena.
U suviazi z hetym AAT «Minabłaŭtatrans» taksama ŭniesła źmieny ŭ raskład pryharadnych aŭtobusaŭ, jakija kursujuć na zamienu niekatorych admienienych ciahnikoŭ.
Biełaruskaja čyhunka prosić pasažyraŭ uličvać hetyja źmieny pry płanavańni pajezdak. Aktualny raskład kankretnaha ciahnika možna pravieryć na sajcie BČ, u mabilnym dadatku «BČ. Moj ciahnik» abo pa telefonie kantakt-centra 105.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary