Eks-paŭabaronca «Minska» Zachar Dračoŭ budzie hulać u stambulskim «Biešyktašy», paviedamiŭ «Biełaruski futboł».
«Usio vydatna. Dobra sustreli, — raskazaŭ Zachar pra ŭražańni ad «Biešyktaša». — Adčuvajecca, što tam vialikaja futbolnaja atmaśfiera, šmat fanataŭ. Nu a bolš skazać nie mahu, bo ja prabyŭ tam niadoŭha i adrazu palacieŭ u Minsk. Ale ŭ mianie stanoŭčyja emocyi ad taho, što ŭ majoj karjery budzie novy etap. Budu staracca».
U hetym siezonie paŭabaronca paśpieŭ pravieści dzieviać matčaŭ u vyšejšaj lizie čempijanatu Biełarusi, zhulaŭšy 232 chviliny i nie adznačyŭšysia vynikovymi dziejańniami. Jašče piać sustreč Zachar Dračoŭ pravioŭ za «Minsk-2», zabiŭšy adzin miač.
11 žniŭnia «Minsk» ź im raźvitaŭsia. U červieni Zachar tajemna jeździŭ na prahlad u «Biešyktaš», nie papiaredziŭšy kiraŭnictva biełaruskaha kłuba.
U historyi futbolnych čempijanataŭ Turcyi, čempijanat vyjhravali tolki šeść kłubaŭ. Pa adnym razie — «Bursaspor» i «Istanbuł Bašachšekir». «Trabzonspor» — šeść razoŭ.
A voś kłuby «vialikaj trojki» — stambulskija «Hałatasaraj» (26 razoŭ), «Fienierbachče» (19) i «Biešyktaš» (16) — uvieś astatni čas.
«Biešyktaš» apošni raz čempijonstva braŭ u 2021 hodzie. U sioletnim siezonie kłub idzie trecim.
Kamientary