Tusk: Rasija płanuje rakietnyja ŭdary pa terytoryi krain NATA, budzie śćviardžać, što jany vypadkovyja
«Maskva budzie sprabavać pradstavić takija ŭdary jak «vypadkovyja», — kaža premjer Polščy.
Rasija zapłanavała ŭdary rakietami i bieśpiłotnikami pa sajuznych Ukrainie jeŭrapiejskich krainach, zajaviŭ premjer-ministr Polščy Donald Tusk, vystupajučy ŭ čaćvier u Siejmie sa śpiecyjalnym zvarotam da deputataŭ.
«Pavodle acenak śpiecsłužbaŭ, płany Rasii ŭklučajuć hibrydnyja ŭdary z vykarystańniem bieśpiłotnikaŭ i rakiet pa dziaržavach, jakija padtrymlivajuć Ukrainu, uklučajučy Polšču», — cytuje Tuska Euronews.
«Maskva budzie sprabavać pradstavić takija ŭdary jak «vypadkovyja», kab paralizavać abo, prynamsi, asłabić matyvacyju krain NATA da abarony siabra aljansu, jaki padvierhnuŭsia napadu.
«Isnuje realnaja ryzyka taho, što terytoryja adnoj abo niekalkich krain NATA na ŭschodnim fłanhu moža być padvierhnutaja napadam dronaŭ [u tym liku reaktyŭnych] abo inšych typaŭ rakiet, jakija mohuć pryvieści da razbureńniaŭ. I aficyjnaja viersija budzie zaklučacca ŭ tym, što heta vypadkovaść i što niama padstaŭ dla jakich-niebudź dziejańniaŭ u adkaz z boku NATA», — zajaviŭ polski premjer.
Tusk dadaŭ, što «Rasija stavić metaj maksimalna razburyć ekanomiku i łahistyku Ukrainy» i, pavodle źviestak vyviedki, najbližejšym časam varta čakać bieśpierapynnych napadaŭ «vielmi vysokaj častaty i intensiŭnaści» na šeść najbujniejšych ukrainskich haradoŭ.
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary