Kolki zastavałasia siadzieć palitviaźniam, vyzvalenym 16 vieraśnia? Niekatorym ź ich — jašče pa vosiem hadoŭ

Paśla kožnaha masavaha vyzvaleńnia palitviaźniaŭ čytačy «Našaj Nivy» ŭ kamientarach prosiać padličyć, kolki zastavałasia siadzieć pa terminie tamu ci inšamu čałavieku.

U ludziej jość hipoteza, što pieravažna vyzvalajuć tych, chto i tak chutka moh by apynucca doma. U niekatorych partyjach vyzvalenych takich palitviaźniaŭ nasamreč było niamała, ale nie ŭ hetym vypadku.

Adrazu ŭdakładnim, što pišam prykładny čas vyzvaleńnia pa terminie. Jon zaležyć ad taho, ci pisaŭ palitviazień apielacyju na prysud i kali adbyŭsia apielacyjny razhlad. Heta infarmacyja nie zaŭsiody jość u pravaabaroncaŭ. Aproč taho, časam paśla zatrymańnia čałavieka adpraŭlajuć na 15 sutak administracyjnaha aryštu (byvaje, i nie adzin raz), a hety adsiedžanyja dni nie ŭličvajucca ŭ adbytaje pakarańnie.

Adnosna chutka — amal praz try miesiacy — pavinien byŭ vychodzić na svabodu były dyrektar BiełaPAN Dźmitryj Navažyłaŭ.

Darečy, ź im adbyłasia prykraja błytanina — Navažyłaŭ byŭ u śpisach na vyzvaleńnie jašče ŭ sakaviku 2026 hoda, ale tady zamiest jaho vypuścili inšaha palitviaźnia z suhučnym proźviščam, Uładzisłava Navažancava.

Jašče dva čałavieki z hetaj hrupy mahli b vyjści na svabodu ŭ 2027 hodzie, čatyry čałavieki — u 2028 hodzie.

Najbolš času daviałosia b pravieści za kratami Andreju Alaksandravu i Paŭłu Biełavusu — ažno na 2034 hoda.

1. Dźmitryj Navažyłaŭ — śniežań 2026 hoda
2. Siarhiej Rabcaŭ — žnivień 2027 hoda
3. Nastaśsia Łazarenka — vierasień 2027 hoda
4. Illa Vieramiejeŭ — krasavik 2028 hoda
5. Janina Paźniak — chutčej za ŭsio, luty-sakavik 2028 hoda. Dakładny jaje termin nieviadomy
6. Pavieł Pietručenia —lipień-žnivień 2028 hoda
7. Kirył Paźniak — žnivień-vierasień 2028 hoda
8. Iryna Złobina — studzień 2029 hoda
9. Śviatłana Jakubovič — luty 2029 hoda
10. Andrej Jaremčyk — listapad 2029
11. Jaŭhien Burło — maj 2030 hoda
12. Volha Strojeva — maj 2030
13. Taćciana Kuzina — červień 2030 hoda
14. Kirył Hniaździłaŭ — kastryčnik 2030 hoda
15. Alena Łazarčyk — studzień 2031 hoda
16. Dzianis Salmanovič — luty 2031 hoda
17. Jaŭhien Juškievič — krasavik-maj 2031 hoda
18. Źmicier Hałavač — maj 2031 hoda
19. Ludmiła Čekina — krasavik 2032 hoda
20. Jana Pinčuk — listapad 2032 hoda
21. Andrej Alaksandraŭ — studzień 2034 hoda
22. Pavieł Biełavus — luty-sakavik 2034 hoda

Aproč taho, vyzvalenyja Źmicier Kołas i Aleś Čumakoŭ, jakich jašče navat nie paśpieli asudzić, a taksama Andrej Caluk, čyj vynik suda nieviadomy.

• 7
• 0
• 0
• 0
• 1
• 0
• 0
• 0