22‑hadovy «Simpsan» z Babrujska pratrymaŭsia na vajnie suprać Ukrainy try miesiacy. Ale vynik jak va ŭsich
Illa Kryštapovič pajechaŭ padpisvać kantrakt u Maskvu, bo tam vypłaty bolšyja. Ciapier maci vybivaje z rasijskich uładaŭ dadatkovyja hrabavyja.
Illa Kryštapovič naradziŭsia 28 lipienia 2002 hoda, jon z Babrujska. Vučyŭsia ŭ Babrujskim dziaržaŭnym kaledžy imia A. Ja. Łaryna na apieratara stankoŭ, asvoiŭ prahramu pa łaziernaj rezcy.
Pa śpiecyjalnaści vyrašyŭ nie pracavać, u 2025 hodzie pajechaŭ na front. Illa spyniaŭsia ŭ maskoŭskim chostele «Časovy Dom 2». Chutčej za ŭsio, hety chosteł byŭ patrebny dla časovaj rehistracyi, bo paźniej jaho maci ŭ telehram-čatach raskazvała, što kantrakt z rasijskim vojskam jon padpisaŭ mienavita ad horada Maskvy — tam bolš płaciać.
Nieŭzabavie Kryštapovič apynuŭsia va Ukrainie ŭ składzie 1‑ha motastrałkovaha bataljona ( 3‑ia rota) pad pazyŭnym «Simpsan».
Prykładna praz try miesiacy, 29 červienia 2025 hoda, padčas intensiŭnych bajoŭ na kirunku Vierchniakamienskaje — Sieviersk 22‑hadovy biełarus źnik bieź viestak.
Urešcie chłopca pryznali zahinułym navat biez najaŭnaści cieła.
Baćkam užo ŭdałosia atrymać bazavyja mahilnyja vypłaty za syna. Ciapier siamja Kryštapovičaŭ damahajecca dadatkovych rehijanalnych maskoŭskich vypłat.
«Naša Niva» — bastyjon biełaruščyny
PADTRYMAĆ19‑hadovy Vital z Hrodna pajechaŭ vajavać suprać Ukrainy. Skončyłasia ŭsio vielmi chutka
Junak z Buracii try hady maryŭ vajavać va Ukrainie. Padpisaŭ kantrakt na nastupny dzień paśla 18‑hodździa — i praz dva miesiacy zahinuŭ
Uciok ad milicyi, skraŭ bramu i pajšoŭ vajavać: sieryjny złodziej z Babrujska pakinuŭ nahu na «SVA»
Ciapier čytajuć
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju9
Kamientary