1,30 rubla za kiłahram bulby: što pradajuć u Minsku na vosieńskich kirmašach
Asnoŭnyja placoŭki — kala Pałaca sportu i «Čyžoŭka-Areny» — adkrytyja z 8:00 da 16:00.
U prahramie nie tolki bulba: akramia harodniny, u asartymiencie jość miasa, ryba, jahady, miod, čaj i, viadoma ž, hryby ŭ razhar siezonu. Dla tych, chto jašče płanuje vyjezdy na lecišča — sadžancy, piša Onliner.by.
Bulba jość pa 1,30 rubla za kiłahram. Niekatoryja pradaŭcy prapanujuć dastaŭku.
Morkva — 1 rubiel 10 kapiejek za kh. Harbuzoŭ, jakija možna vykarystoŭvać jak upryhožvańnie abo vyrazać ź ich strašnyja tvaryki, pradajuć pa 2 rubli za kiłahram. Kapusta — 1,20 rubla za kh.
Jabłyki ŭsich hatunkaŭ, koleraŭ i pamieraŭ. Košt — prykładna 2,5 rubla za kh. Ślivy — 6 rubloŭ za kh.
Pierac — ad 2,5 rubla. Pamidory — 2—3 rubli, ale kali kamuści chočacca novych hastranamičnych adčuvańniaŭ i bolš cikavaha hatunku, to košt moža dachodzić da 6 rubloŭ. Ahurki — u siarednim pa 4 rubli.
Žuraviny kala Pałaca sportu prapanujuć pa 8,50 rubla. Bujaki — 20 rubloŭ.
Jość hryby — salonyja i śviežyja. Baraviki prapanujuć pa canie 88 rubloŭ za kiłahram.
Miasa i ryba jość śviežyja, ale chapaje i kaŭbasnych vyrabaŭ. Farš — 11,43 rubla za kh, śvinina dla adbiŭnych — 20,57 rubla.
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary