Pa słovach Edhara Rynkieviča, ciapierašnija namahańni Jeŭropy pa padrychtoŭcy da pavietranaj vajny mohuć sastareć užo da siaredziny nastupnaha hoda.
U vypadku raspaŭsiudžvańnia vajny Rasii suprać Ukrainy za jaje miežy bolšaść krain NATA nie zmoža adbić ataku rasijskich rakiet, ličyć prezident Łatvii Edhar Rynkievič, piša DW.com.
U intervju haziecie The Guardian, apublikavanym u subotu, 19 vieraśnia, jon ukazaŭ na «imklivaje» raźvićcio technałohij u śfiery vykarystańnia dronaŭ. U suviazi z hetym ciapierašnija namahańni Jeŭropy pa padrychtoŭcy da pavietranaj vajny mohuć sastareć užo da siaredziny nastupnaha hoda.
«My bačym, što sistemy SPA, abarona ad bieśpiłotnikaŭ i supraćrakietnaja abarona sutykajucca z surjoznymi prablemami. I davajcie budziem ščyrymi: z hetym sutykajecca Ukraina, z hetym sutykajucca ŭsia Jeŭropa i NATA, — skazaŭ Rynkievič. — Bo kali Rasija vyrašyć zapuścić niekalki rakiet pa hetaj terytoryi, ja dumaju, što siońnia dla mnohich krain heta stanie surjoznym vyprabavańniem».
Na dumku łatvijskaha prezidenta, Rasija skarystajecca zimoj, kab prasunucca na froncie va Ukrainie, a taksama zrobić usio nieabchodnaje, kab padarvać padtrymku Kijeva z boku zachodnich dziaržaŭ.
Havorka idzie pra dyviersii, kibierataki i incydenty ź bieśpiłotnikami i rakietami, z dapamohaj jakich Maskva praviaraje rašučaść Jeŭropy, adznačyŭ jon.
«Ja b vyklučyŭ zvyčajnaje vajennaje ŭvarvańnie, ale nam varta być vielmi pilnymi, kali havorka idzie pra raznastajnyja inšyja varyjanty», — dadaŭ Rynkievič.
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo6
Minčanka Anhielina, jakaja prasiła ŭ Łukašenki kvateru za trojniu, atrymała žyllo
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary