Murataŭ zaklikaŭ Uitkafa damahčysia vyzvaleńnia rasijskich palitviaźniaŭ
«Kali jon viartajecca z Maskvy, jaho samalot lacić pustym».
Łaŭreat Nobieleŭskaj premii miru i były hałoŭny redaktar «Novaj haziety» Dźmitryj Murataŭ u intervju amierykanskamu telekanału CNN raspavioŭ pra rasijskich palitviaźniaŭ, piša «Mieduza».
U efiry telekanała Murataŭ pakazaŭ viadučaj i hledačam fatahrafii režysiorki Ženi Biarkovič, byłoha municypalnaha deputata Alaksieja Horynava, piedyjatra Nadziei Bujanavaj i samarskaha saksafanista Andreja Šabanava, a taksama zahinułaha ŭ źniavoleńni pijanista Paŭła Kušnira.
Jon raspavioŭ, što, sa słoŭ advakataŭ, Biarkovič ciapier važyć kala 40 kiłahramaŭ.
Jaje druhi raz za čas źniavoleńnia adpravili ŭ štrafny izalatar na nadumanaj padstavie — nibyta jana niapravilna nadzieła chustku, nie zapraviła łožak i niedastatkova chutka zaviała ruki za śpinu na patrabavańnie supracoŭnika kałonii.
Jon taksama raspavioŭ pra Alaksandru Strylec, piacihadovaja dačka jakoj pamierła, pakul maci znachodzicca ŭ źniavoleńni pa spravie ab dziaržaŭnaj zdradzie.
Murataŭ zaklikaŭ amierykanskich palitykaŭ damahacca vyzvaleńnia rasijskich palitviaźniaŭ, a žurnalistaŭ — raspaviadać pra ich. U pryvatnaści, jon zaklikaŭ aficyjnych pradstaŭnikoŭ prezidenta ZŠA Donalda Trampa na pieramovach z Rasijaj — Styva Uitkafa i Džareda Kušniera — padymać pytańnie pra los palitviaźniaŭ na sustrečach z Uładzimiram Pucinym.
«Spadar Uitkaf užo vosiem razoŭ ci bolš pryjazdžaŭ u Maskvu. I daj boh, kab praciahvaŭ jeździć. Ale majo pytańnie voś u čym.
Kali jon viartajecca, jaho samalot lacić pustym. Čamu jon nie moža paprasić spadara Pucina, ź jakim u jaho dobryja stasunki, vyzvalić niekalkich palityčnych źniavolenych — kab jany palacieli razam ź im?» — zapytaŭ Murataŭ.
Ciapier čytajuć
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka10
Jon adkryta nazyvaŭ rasijskich vajskoŭcaŭ akupantami, a rasijskuju ŭładu — fašysckaj. Za kraty kinuli supracoŭnika MTBanka
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary
Nie putajsia pod nohami bolšich dienieh.