Žurnalistaŭ, jakim Tramp zabaraniŭ źjaŭlacca ŭ Biełym domie, znoŭ stali tudy puskać
Amierykanskija telekanały MS NOW i CNN 24 vieraśnia paviedamili, što ich žurnalistam znoŭ dazvolili pracavać u Biełym domie. Heta adbyłosia praź niekalki hadzin paśla taho, jak sud zabłakavaŭ rašeńnie prezidenta Donalda Trampa ab vyklučeńni hetych miedyja z dostupu ŭ rezidencyju prezidenta ZŠA.
Na minułym tydni Tramp zajaviŭ, što pazbaŭlaje CNN, MS NOW i vydańnie Politico dostupu ŭ Bieły dom. Jon patłumačyŭ heta tym, što, na jaho dumku, hetyja miedyja raspaŭsiudžvali chłuślivyja materyjały pra jaho samoha i jahonuju administracyju. Na nastupny dzień žurnalistaŭ nazvanych redakcyj sapraŭdy nie puścili na terytoryju kompleksu.
21 vieraśnia redakcyi źviarnulisia ŭ sud z pazovam suprać Trampa. Jany zajavili, što zabarona parušaje harantavanuju Kanstytucyjaj ZŠA svabodu presy.
U noč z 23 pa 24 vieraśnia fiederalny sud zabłakavaŭ rašeńnie prezidenta i zahadaŭ adnavić akredytacyi žurnalistaŭ CNN, MS NOW i Politico. Sudździa paličyŭ, što zabarona na dostup supracoŭnikaŭ hetych miedyja ŭ Bieły dom, vierahodna, supiarečyć Kanstytucyi. Dostup było zahadana adnavić jak minimum na dva tydni, pakul sud praciahnie razhlad spravy.
Adnak ranicaj 24 vieraśnia žurnalistaŭ Politico i MS NOW, a taksama častku supracoŭnikaŭ CNN spačatku znoŭ nie puścili ŭ Bieły dom.
Sudździa vyznačyŭ 12‑iu hadzinu dnia pavodle vašynhtonskaha času jak krajni termin dla adnaŭleńnia dostupu. Niezadoŭha da hetaha terminu Bieły dom vykanaŭ rašeńnie suda i adnaviŭ dostup žurnalistaŭ.
Miedyja z televizijnaha puła Biełaha doma padtrymali telekanał CNN u kanflikcie z Trampam. Nie zastaŭsia ŭbaku i Fox News
Tramp zakryŭ CNN, MS NOW i Politico dostup u Bieły dom
ZŠA prapanujuć try kroki dla deeskałacyi vajny va Ukrainie
Si Dzińpin prybyŭ u ZŠA z trochdzionnym vizitam, Tramp asabista sustreŭ jaho ŭ aeraporcie
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary