Zialenski: Praz 10 dzion Kijeŭ i Vašynhton abmiarkujuć vyniki kansultacyj z Brusielem i Maskvoj
Spačatku amierykancy pahavorać z ruskimi.
Paśla sustrečy prezidentaŭ ZŠA i Ukrainy ŭ Ńju-Jorku ŭkrainskaja i amierykanskaja pieramoŭnyja hrupy sustrelisia i damovilisia pravieści kansultacyi ź jeŭrapiejskimi sajuźnikami i Maskvoj, a zatym viarnucca da pieramoŭ, raspavioŭ u piatnicu žurnalistam prezident Ukrainy Uładzimir Zialenski, piša Bi-bi-si.
«U nas była sustreča z prezidentam ZŠA, my abmierkavali ahulnyja pytańni. Paśla hetaha našy pieramoŭnyja hrupy praviali asobnuju praciahłuju sustreču, na jakoj abmierkavali adpaviednyja detali. Damoŭlenaść takaja: my prainfarmujem i abmiarkujem hetyja detali ź jeŭrapiejskim bokam. Amierykancy pahavorać z ruskimi, i praz 10 dzion my vierniemsia z tym ci inšym mierkavańniem i z vynikam», — skazaŭ Zialenski žurnalistam u piatnicu.
Raniej jon zajaviŭ, što ZŠA prapanavali pačać padrychtoŭku da trochbakovaj techničnaj sustrečy ŭ Abu-Dabi. Data sustrečy pakul nie vyznačanaja.
Maskva i Vašynhton pakul nie kamientavali hetyja zajavy.
-
Samalot Flydubai uratavali piłot-indyjec i try pasažyry, adzin ź jakich stamatołah. Druhoha piłota źviazali pravadami ad słuchavak i małankami
-
U Paŭdniovaj Karei 600 tysiač čałaviek pryjšli pahladzieć na akułu, jakaja zachrasła ŭ kanale
-
U amierykanskim Tenesi ŭpieršyniu za 200 hadoŭ źbiralisia pakarać śmierciu žančynu. Ale vykanańnie prypynili za hadzinu da pryznačanaha času
Kamientary