Džona Koŭła ŭznaharodzili premijaj imia Palitkoŭskaj za vyzvaleńnie biełaruskich palitviaźniaŭ
27 žniŭnia ŭ Maskvie ŭručany premii «Kamierton» imia Hanny Palitkoŭskaj. Premija, zasnavanaja ŭ pamiać ab zabitaj u 2006 hodzie žurnalistcy «Novaj haziety», była ŭručanaja 14‑y raz, paviedamlaje vydańnie.
Uznaharoda adznačaje vydatnyja dasiahnieńni ŭ abaronie pravoŭ čałavieka i mužnaść u adstojvańni svabody słova. Jaje ŭručajuć za sumlennaść, hramadzianskuju adkaznaść, hodnaść i čałaviečaje spačuvańnie.
Łaŭreatami premii ŭ roznyja hady stanavilisia žurnalisty, pravaabaroncy i dziejačy kultury.
Sioleta asablivy pryz-kamierton z nadpisam «za vyratavańnie žyćciaŭ» uručany Džonu Koŭłu, śpiecpasłańniku prezidenta ZŠA Donalda Trampa. Mienavita jon byŭ tym čałaviekam, jaki, hledziačy na hetych ludziej, vymaviŭ hałoŭnyja słovy: «Vy svabodnyja».
Sioleta łaŭreatami stali:
— internet-miedyja The Bell — u naminacyi «Za etałonnuju dakładnaść u epochu chaosu»
— «Viorstka» — «za teksty, jakija stanuć historyjaj».
— Premiju ŭ naminacyi «Za ŭsich» atrymaŭ muzykant Barys Hrabienščykoŭ.
Niadaŭna Džon Koŭł zajaviŭ, što najbližejšym časam čakaje vyzvaleńnia vialikaj hrupy palitviaźniaŭ.
Nahadajem, što ŭ vyniku vizitaŭ amierykanskaj delehacyi ŭ papiarednija razy byli vyzvalenyja 438 čałaviek: 21 červienia 2025 hoda — 14 palitviaźniaŭ, 11 vieraśnia — 51 čałaviek, 13 śniežnia — 123 čałavieki, 19 sakavika 2026 hoda — 250 čałaviek.
Chto takaja Alesia Parchomienka z Kipra, jakaja raźviazała biełaruska-biełaruskuju vajnu88
Chto takaja Alesia Parchomienka z Kipra, jakaja raźviazała biełaruska-biełaruskuju vajnu
«Doktarka», advakat, čałaviek z kamieraj i niekalki dužych chłopcaŭ. U Pietrapaŭłaŭskaj Barščahoŭcy rasijskija śpiecsłužby skarystalisia śpiecyfičnym ukrainskim biznesam vajennaha času1515
Kamientary