Meta vypuściła akulary biez kamiery i zamienu šlemam virtualnaj realnaści
Kampanija Marka Cukierbierha na svajoj štohadovaj kanfierencyi Meta Connect pakazała liniejku razumnych akularaŭ novaha pakaleńnia. Siarod navinak vyratavańnie dla amataraŭ pryvatnaści — stylnyja akulary biez kamiery, a taksama zvyšlohkija akulary virtualnaj realnaści, jakija mohuć kančatkova adpravić na śmietnik historyi hruvastkija šlemy. Pra navinki piša The Guardian.
Razumnyja akulary časta krytykujuć: ludzi vakoł aścierahajucca, što ich tajemna zdymajuć na videa, praz što za takimi devajsami navat zamacavałasia niepryjemnaja nazva «špijonskija akulary».
Bolš nijakaj paranoi
Meta znajšła idealny kampramis i prezientavała madel Ray-Ban Meta Audio AI, u jakoj kamiery niama ŭvohule. Vonkava heta kłasičnyja i znajomyja apravy Ray-Ban, ale z supierzdolnaściami. U dužki ŭbudavanyja jakasnyja mikrafony i dynamiki. Ź ich dapamohaj možna słuchać muzyku, adkazvać na zvanki i razmaŭlać sa štučnym intelektam-pamočnikam.
Pakolki kamiery niama, akulary stali tančejšymi, lahčejšymi, a batareja ciapier trymaje da 12 hadzin. Kaštavać taki hadžet u Jeŭropie budzie kala 349 jeŭra.
A što z kłasičnymi madelami z kamieraj?
Dla tych, chto ŭsio ž choča zdymać videa ad pieršaj asoby, Meta vypuściła Ray-Ban Meta Gen 3. Jany pracujuć da 9 hadzin na adnym zaradzie i atrymali padtrymku abjomnaha huku Dolby Atmos. Anansavany košt navinki składaje 449 jeŭra.
Asobnuju ŭvahu raspracoŭščyki nadali pryvatnaści minakoŭ: raniej amatary schavanaj zdymki časta zalaplali čornaj stužkaj ci zamazvali markieram śviatłodyjod, jaki abaviazkova śviecicca padčas zapisu videa.
U novym pakaleńni hetuju chitraść abyści ŭžo nie atrymajecca — u apravu ŭbudavali datčyki, jakija adsočvajuć stan indykatara. Kali ahaniok niešta zakryvaje abo jaho sprabujuć adklučyć prahramna, akulary prosta spyniajuć zdymku i błakujuć kamieru.
Akramia taho, Meta pašyraje hieahrafiju prodažaŭ svajoj topavaj viersii Ray-Ban Display z ubudavanym u pravaje škło mikraekranam: u kastryčniku jana pastupić na rynki Francyi, Hiermanii i Italii pa canie 899 jeŭra.
Akulary virtualnaj realnaści
Ale hałoŭnaj siensacyjaj stali novyja VR-akulary ad Meta, jakija pavinny zamianić papularnyja, ale masiŭnyja šlemy siamiejstva Quest.
Raspracoŭščykam udałosia źmiaścić mahčymaści paŭnavartasnaha šlema ŭ korpus apravy z mahnijevaha spłavu vahoj usiaho 100 hramaŭ, što ŭ piać razoŭ lahčej za Quest 3. Kab nie nahružać hałavu, asnoŭny pracesar i batareju na try hadziny pracy vynieśli ŭ asobny kišenny 300‑hramovy błok, złučany z apravaj tonkim drotam.
Pryłada abstalavanaja dysplejami 5K microOLED z vysokaj ščylnaściu piksielaŭ, što zabiaśpiečvaje vyrazny pakaz tekstu i drobnych detalaŭ, robiačy jakaść malunka paraŭnalnaj z Apple Vision Pro.
Asnoŭny akcent u hetych akularach zrobleny nie stolki na hulniach, kolki na prahladzie kantentu i paŭsiadzionnaj pracy. Devajs dazvalaje hladzieć 3D-filmy ŭ firmovym farmacie IMAX Enhanced — z pašyranym kadram i abjomnym hukam, stvarajučy efiekt sapraŭdnaha kinateatra. Dla pracy akulary možna padklučyć da kampjutaraŭ na bazie Mac abo Windows i razharnuć pierad vačyma adrazu niekalki virtualnych ekranaŭ.
Virtualnuju kłavijaturu pry hetym možna prajecyravać niepasredna na stoł ci inšuju roŭnuju pavierchniu, a samo kiravańnie interfiejsam ažyćciaŭlajecca z dapamohaj adsočvańnia pozirku i žestaŭ ruk.
Praŭda, technałohiju daviadziecca pačakać. Meta płanuje zapuścić VR-akulary ŭ prodaž tolki viasnoj 2027 hoda pa canie $1299,99.
Apple nabyła sakretnuju izrailskuju technałohiju sčytvańnia mimiki
Brytanskija kinateatry abmiažoŭvajuć vykarystańnie razumnych akularaŭ, bajučysia piractva
Kampanija Meta prezientavała razumnyja akulary za 799 dalaraŭ
Rasijskija špijony sačyli za Hrozievym z dapamohaj špijonskich akularaŭ. Voś jak heta było
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary
Ja prosto v šokie ot toho, naskolko daleki milliardiery ot potriebitielej, i naskolko biespolezny otdieły markietinha v kompanijach, ocienivajemych v sotni milliardov.