Rasijskija špijony sačyli za Hrozievym z dapamohaj špijonskich akularaŭ. Voś jak heta było
«I ŭ samalotach jany siadali pobač z Romaj, sa mnoj, sprabavali pahladzieć, što my pišam adno adnamu i hetak dalej».
Bałharski miedyjaekśpiert i žurnalist-rasśledavalnik Chrysta Hrozieŭ paśla vychadu rasśledavańnia ab atručvańni Navalnaha vymušany chavacca ad ahientaŭ, naniatych rasijskimi śpiecsłužbami. Jany atrymali zahad vykraści mužčynu, ci, kali nie ŭdasca vykraści, likvidavać. U studzieni 2023 hoda brytanskija ŭłady aryštavali ŭsiu hrupu.
U intervju telekanału «Dožd́» žurnalist raskazaŭ, što dla sačeńnia za im špijony vykarystoŭvali śpiecyjalnyja akulary.
Pa słovach Hrozieva, pra isnavańnie «akularaŭ dla špijonaŭ» jon daviedaŭsia z materyjałaŭ kryminalnaj spravy, jakuju viała palicyja Łondana suprać šaści bałharaŭ, jakija na praciahu dvuch hadoŭ sačyli jak za Hrozievym, tak i za jaho kaleham pa žurnalistycy — Ramanam Dabrachotavym.
«Akazvajecca, jany takimi špijonskimi akularami za nami sačyli i zdymali. I ŭ samalotach jany siadali pobač z Romaj, sa mnoj, sprabavali pahladzieć, što my pišam adno adnamu i hetak dalej», — raskazvaje Hrozieŭ i pryznajecca, što jon śpiecyjalna nabyŭ takija akulary, kab razabracca, jak jany pracujuć.
«Jany niejkija vidavočna špijonskija akulary, jakija prosta śvieciać, mirhajuć, kali ty zdymaješ. Tak što ja nie dumaju, što heta vielmi dobra. Ale zatoje krutyja akulary», — dzielicca ŭražańniami žurnalist.
Jak vynikaje z kantekstu razmovy, Hrozieŭ nabyŭ akulary Ray-Ban Meta. Jon raskazvaje, što isnuje dźvie mahčymaści aktyvacyi «špijonskich» funkcyj akularaŭ:
«Abo možna prosta niezaŭvažna nacisnuć, abo skazać: «Hey, Meta, start recording». I jany pačynajuć zdymać. Viadoma, budzie hłupstva, kali ŭ siaredzinie niejkaj špijonskaj misii ty pačynaješ havaryć svaim akularam».
Žurnalist pryznajecca, što nie zdahadvaŭsia, što za im sačyli.
Ciapier čytajuć
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy14
Łukašenka zahadaŭ zabaranić arhanizavanyja pajezdki dziaciej za miažu biez dazvołu dziaržavy
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1616
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?16
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama30
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2929
Kamientary