Studentaŭ EHU ŭ Biełarusi pačali abmiažoŭvać padpiskami ab niavyjeździe
Cuprać studentaŭ «ekstremisckaha» ŭniviersitetu, jakija znachodzilisia ŭ Biełarusi, vykarystali novuju formu represij: zabaronu na vyjezd z krainy. Nakolki masavaja hetaja źjava, nieviadoma, piša «Biełsat».
Studentaŭ Jeŭrapiejskaha humanitarnaha ŭniviersiteta ŭ Vilni, jakija znachodziacca ŭ Biełarusi, pačali abmiažoŭvać u vyjeździe z krainy — adpuskać pad padpisku ab niavyjeździe. «Biełsatu» viadoma pra niekalki takich vypadkaŭ, ale nakolki hetaja źjava masavaja, acanić ciažka.
14 krasavika 2026 hoda Viarchoŭny sud Biełarusi zabaraniŭ dziejnaść i nazvaŭ jaho «ekstremisckaj arhanizacyjaj».
Z 2 da 4 červienia 2026 hoda siłaviki praviali pa ŭsioj krainie skaardynavanuju sieryju pieratrusaŭ i dopytaŭ suprać źviazanych ź EHU asob i ich siemjaŭ. Miesiac tamu pravaabaroncy naličvali 175 paciarpiełych ad pieratrusaŭ i dopytaŭ u suviazi ź EHU. Pavodle źviestak pravaabaroncaŭ, śledčyja pahražali ludziam abvinavačańniami pavodle artykułaŭ ab «ekstremiźmie» — u tym liku zadniaj dataj, za płaciažy va ŭniviersitet jašče z 2016 hoda.
U EHU raskazvali, što paśla atrymańnia «ekstremisckaha» statusu za miesiac stracili kala 100 studentaŭ: balšynia ź ich vučyłasia zavočna ź Biełarusi, ale EHU pakinuli navat 10 studentaŭ, jakija žyli ŭ Litvie.
Tym časam 1 kastryčnika ŭ Vilni projdzie aficyjnaja cyrymonija adkryćcia 2026/2027 navučalnaha hoda.
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni28
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary