Biełarusy letaś atrymali z-za miažy bolš za miljard dalaraŭ. Heta rekord
Pavodle źviestak Nacyjanalnaha banka, u 2025 hodzie rezidenty Biełarusi atrymali z-za miažy 1,052 miljarda dalaraŭ u vyhladzie pracoŭnych dachodaŭ i asabistych pieravodaŭ. Heta najvyšejšy pakazčyk za ŭsiu historyju krainy, piša Thinktanks.pro.
Ekanamistki Alena Maślankova i Kryścina Macijeŭskaja ŭ artykule dla časopisa «Bankovskij viestnik» praanalizavali dynamiku hetych pastupleńniaŭ za sučasny pieryjad. Jany adznačyli ŭstojlivy doŭhaterminovy rost abjomaŭ hrošaj, jakija biełarusy atrymlivajuć z-za miažy, pačynajučy z 2008 hoda.
Za 2005—2025 hady pastupleńni ad apłaty pracy z-za miažy pavialičylisia ŭ 11,8 raza. Asabliva prykmietny rost adbyŭsia ŭ 2020—2025 hadach: za hety čas abjom pavialičyŭsia z 311 miljonaŭ da 1,052 miljarda dołaraŭ. Pryrost za hetyja piać hadoŭ u absalutnym vyražeńni akazaŭsia bolšym, čym sumarnaje pavieličeńnie za papiarednija 15 hadoŭ.
Daśledčycy ličać, što takaja dynamika ŭskosna śviedčyć pra ŭzmacnieńnie pracoŭnaj mihracyi i rost značeńnia zamiežnych hrašovych pastupleńniaŭ dla biełaruskaj ekanomiki.
Dola čystych pracoŭnych dachodaŭ, atrymanych z-za miažy, u adnosinach da VUP vyrasła z 0,3% u 2005 hodzie da 1,12% u 2025-m. Takim čynam, hetyja dachody ŭžo dasiahnuli abjomu, jaki možna kolkasna ŭličvać pry acency makraekanamičnych pracesaŭ u siektary chatnich haspadarak.
Adnačasova raśli i pracoŭnyja dachody, jakija zamiežnyja rabotniki vyvodzili ź Biełarusi, adnak ich abjom zastavaŭsia značna mienšym za pastupleńni ŭ krainu. Salda čystaj apłaty pracy pavialičyłasia z 89 miljonaŭ dalaraŭ u 2005 hodzie da 805 miljonaŭ dalaraŭ u 2025-m.
Za apošnija dva dziesiacihodździ źmianiłasia i struktura hrašovych patokaŭ. Da 2015 hoda asnoŭnuju častku składali asabistyja tranśfierty — u tym liku pieravody ludziej, jakija doŭhaterminova pracavali za miažoj, i nierezidentaŭ. Z 2016 hoda asnoŭnym vidam pastupleńniaŭ stała čystaja apłata pracy siezonnych i časovych rabotnikaŭ — rezidentaŭ Biełarusi.
Pry hetym abjom hrošaj, jakija biełarusy adpraŭlajuć z krainy za miažu, pavialičvajecca značna pavolniej. Ich dola ŭ ahulnym abjomie atrymanych srodkaŭ skaraciłasia prykładna z 30—35% u siaredzinie 2000‑ch hadoŭ da 15—20% u 2020-ja.
Aŭtary daśledavańnia adznačajuć, što źmieny ŭ struktury asabistych pieravodaŭ uskosna mohuć śviedčyć pra rost karotkaterminovaj pracoŭnaj mihracyi i pavieličeńnie doli biełarusaŭ, jakija aficyjna pracaŭładkoŭvajucca za miažoj.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary13
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary
Eto i objaśniajet novyje riekordy.