U Polščy spynili biełaruski aŭtobus i vypisali kiroŭcam 34 štrafy
Zvyčajnaja pravierka biełaruskaha aŭtobusa na polskaj chutkasnaj trasie S7 (Hdynia-Chiłonia — Rabka-Zdruj) skončyłasia dla dvuch kiroŭcaŭ 34 štrafami. Ahulnaja suma spahnańniaŭ skłała 6900 złotych, što adpaviadaje prykładna 5445 biełaruskim rublam, piša partał Lublin112.
Aŭtobus ź biełaruskimi numarami supracoŭniki Centra aŭtamatyčnaha kantrolu za darožnym rucham Polščy spynili kala nasielenaha punkta Hiebułtaŭ. Pierad hetym inśpiektary pravieryli rehistracyjny numar mašyny ŭ bazie i vyjavili niekalki dziasiatkaŭ raniej zafiksavanych vypadkaŭ pieravyšeńnia chutkaści.
Za rulom aŭtobusa pa čarzie znachodzilisia dvoje hramadzian Biełarusi. Paśla vyvučeńnia materyjałaŭ z kamier kantrolu inśpiektary vyznačyli, chto ź ich ździejśniŭ kožnaje parušeńnie.
U vyniku na pieršaha kiroŭcu prypała 15 vypadkaŭ pieravyšeńnia chutkaści. Ahulnaja suma jaho štrafaŭ skłała 3000 złotych, abo kala 2367 biełaruskich rubloŭ. Druhi kiroŭca dapuściŭ 19 parušeńniaŭ i atrymaŭ štrafaŭ na 3900 złotych, što składaje kala 3077 biełaruskich rubloŭ.
Takim čynam, na dvaich kiroŭcaŭ prypali 34 štrafy na ahulnuju sumu 6900 złotych. Akramia hrašovych spahnańniaŭ, im naličyli razam 104 štrafnyja bały. U Polščy za parušeńni pravił darožnaha ruchu kiroŭcam naličvajucca bały, i pry dasiahnieńni vyznačanaha limitu možna stracić prava kiravańnia.
Usie zafiksavanyja parušeńni byli źviazanyja ź pieravyšeńniem chutkasnych abmiežavańniaŭ, jakija dziejničajuć dla aŭtobusaŭ na chutkasnych darohach i aŭtamahistralach. Pry vykanańni nieabchodnych techničnych umoŭ maksimalnaja dazvolenaja chutkaść dla aŭtobusaŭ na takich darohach u Polščy moža składać 100 km/h.
Dziasiatki parušeńniaŭ vyjavili dziakujučy praviercy rehistracyjnaha numara aŭtobusa ŭ bazie CANARD. Paśla hetaha inśpiektary spynili transpartny srodak na S7 i praanalizavali materyjały pa kožnym epizodzie. Heta dazvoliła ŭstanavić, chto z dvuch kiroŭcaŭ znachodziŭsia za rulom u momant kožnaha pieravyšeńnia.
Ciapier čytajuć
RIA Naviny apublikavała kałonku, što Rasiju čakaje jašče adna «SVA» — ź Litvoj. A paśla vydaliła z paznakaj «Nie adpaviadaje dziaržaŭnaj palitycy»31
RIA Naviny apublikavała kałonku, što Rasiju čakaje jašče adna «SVA» — ź Litvoj. A paśla vydaliła z paznakaj «Nie adpaviadaje dziaržaŭnaj palitycy»
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi8
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary