Siarod premjer — «Serca na dałoni» i «Pryncesa tusoŭki».
Mastacki kiraŭnik Kupałaŭskaha teatra Dźmitryj Akimaŭ raskazaŭ «Minsk-Navinam», što čakać na scenie ŭ novym siezonie.
U płanach padrychtoŭka vaśmi pastanovak.
U honar jubileju Ivana Šamiakina pastaviać jaho raman «Serca na dałoni». Premjera 7—8 kastryčnika.
Režysior Ilja Kruk razam ź Viktoryjaj Kleŭka vypuściać śpiektakl pa jaje novym ramanie «Maja pieršaja Jeva».
Dla padletkavaj aŭdytoryi ŭ śniežni płanujecca premjera pa ramanie Jaŭhiena Chvaleja «Pryncesa tusoŭki». A dla samych maleńkich hledačoŭ i ich baćkoŭ rychtujecca śpiektakl pad rabočaj nazvaj «Zavirucha», jaki budzie ŭklučać u siabie čatyry kazki biełaruskaha falkłoru.
27 sakavika 2027 hoda da Dnia teatra adbudziecca premjera pa pjesie Maljera ŭ pierakładzie biełaruskaha kłasika.
«U bližejšy čas płanujem zapuścić prajekt, prymierkavany da jubileju Janki Kupały, jaki čakaje nas u nastupnym hodzie. Chutka abjavim konkurs-łabaratoryju pa napisańni pjes pra bijahrafiju kłasika. Jon budzie pravodzicca sumiesna ź Dziaržaŭnym litaraturnym muziejem Janki Kupały i Centram biełaruskaj dramaturhii. Heta moža być i mastacki pohlad na bijahrafiju aŭtara, i dakumientalny, moža prysutničać elemient bajopika abo fanfika, usio što zaŭhodna. Niekalki pjes atrymajuć pryzy, a Hran-pry — heta pastanoŭka śpiektakla da jubileju aŭtara», — raskazaŭ Akimaŭ.
Niadaŭna prajšoŭ tvorčy prajekt «Kupała. Łabaratoryja». Pa vynikach było pryniata rašeńnie pastavić na małoj scenie eskiz Andreja Šlapina pa pjesie «Mudramier».
Ciapier čytajuć
Nočču biełarusy stajali ŭ čerhach, kab nabyć u A1 techniku ź vialikaj źnižkaj. Ciapier joj zavaleny «Kufar»15
Kamientary
Było b nie błaha schadzić i acanić.