Rasija ŭžo pačała razmaŭlać z «Alternatyvaj dla Hiermanii» pra mahčymaść adnaŭleńnia pastavak rasijskaha hazu

Pry hetym sustreča adbudziecca tolki ŭ vypadku, kali Rasija i Ukraina spačatku damoviacca pra ramačnaje mirnaje pahadnieńnie. Arhanizatary taksama raźličvajuć na ŭdzieł pradstaŭnikoŭ ZŠA, u tym liku Styva Uitkafa i Džareda Kušniera. Siarod mahčymych miescaŭ sustrečy nazyvajucca Izrail, Abjadnanyja Arabskija Emiraty i Indyja.

Adnak amierykanski vysokapastaŭleny čynoŭnik paviedamiŭ Reuters, što Uitkaf i Kušnier pra takuju sustreču nie viedajuć i zaprašeńnia nie atrymlivali.

Alisa Vajdel raniej zajaŭlała niamieckim ŚMI, što ŭ vypadku prychodu «AdH» da ŭłady partyja chacieła b adnavić impart tannych rasijskich enierharesursaŭ. Da vajny Hiermanija była najbujniejšym zamiežnym rynkam «Hazprama»: rasijski haz zabiaśpiečvaŭ bolš za pałovu niamieckaha impartu hazu.

Tema adnaŭleńnia rasijskich pastavak u Hiermaniju ŭžo ŭzdymałasia i ŭ administracyi prezidenta ZŠA Donalda Trampa. Razhladałasia mahčymaść adnaŭleńnia pracy hazapravodaŭ «Paŭnočny patok» praź ich kuplu amierykanskimi kampanijami.

Adnak viartańnie rasijskaha hazu sutykajecca z surjoznymi pieraškodami. Pavodle analitykaŭ «Viektar kapitału», ekspłuatacyja i vykarystańnie «Paŭnočnych patokaŭ» abmiežavanyja normami ES i Hiermanii. Dla źmieny adpaviednych pravił spatrebiłasia b zhoda ŭsich 27 krain Jeŭrasajuza.

Akramia taho, ES užo zaćvierdziŭ płan poŭnaha spynieńnia zakupak rasijskaha hazu da kastryčnika 2027 hoda. Z čatyroch nitak «Paŭnočnych patokaŭ» try byli padarvanyja ŭ vieraśni 2022 hoda. Čaćviortaja, jakaja adnosicca da «Paŭnočnaha patoku — 2», zastałasia, ale hety hazapravod tak i nie atrymaŭ siertyfikacyi ŭ Hiermanii.

Jašče adna prablema — hazapravod «Jamał — Jeŭropa», praź jaki rasijski haz raniej išoŭ u tym liku va ŭschodnija ziemli Hiermanii. Jon prachodzić praz Polšču, jakaja, jak adznačajecca ŭ artykule, zusim nie zacikaŭlenaja ŭ adnaŭleńni jaho pracy.

Deputat ad niamieckaj partyi «Zialonyja» Michael Kiełnier, jaki padčas enierhietyčnaha kryzisu 2022 hoda adkazvaŭ va ŭradzie za enierhietyčnuju palityku, zajaviŭ, što Hiermanija nie pavinna viartacca da raniejšaj zaležnaści ad Rasii. Pavodle jaho słoŭ, enierhietyčny kryzis kaštavaŭ krainie 50 miljardaŭ jeŭra.

«AdH» pakul pieramahała na vybarach tolki ŭ adnoj fiederalnaj ziamli — Saksonii-Anchalcie. Na chutkich vybarach u Mieklenburhu — Piaredniaj Pamieranii partyja taksama moža atrymać najbolšuju padtrymku. Adnak rašeńnie ab adnaŭleńni rasijskich hazavych pastavak na ŭzroŭni asobnaj ziamli pryniać niemahčyma.

Nastupnyja fiederalnyja vybary ŭ Bundestah pavinny adbycca ŭ Hiermanii ŭ 2029 hodzie.

• 0
• 0
• 0
• 3
• 0
• 0
• 2
• 0