Skandał sa spartsmienkaj, u jakoj padčas spabornictvaŭ pačałasia dyjareja — jana vyjhrała honku, ale paśla admoviłasia ad pieramohi

Hučny incydent adbyŭsia padčas spabornictvaŭ pa funkcyjanalnym fitniesie Hyrox u Piekinie 12 vieraśnia. Padčas startu ŭ aŭstralijskaj spartoŭki Džaany Vietšyk pačałasia dyjareja, jakaja zapeckała jaje vopratku, nohi, trenažory, ale žančyna ŭsio roŭna praciahnuła spabornictvy. I vyjhrała.

Adny zachaplalisia siłaj duchu spartoŭki, ale mnohija jaje krytykavali za praciah honki. Videa, na jakim Vietšyk praciahvaje spaborničać paśla incydentu z dyjarejaj, vyklikała zaniepakojenaść nakont hihijeničnych normaŭ, raskazvaje Bi-bi-si Ukraina.

Pavialičyć

Z-za hetaha suzasnavalnik spabornictvaŭ Hyrox Moryc Fiurste paprasiŭ prabačeńnia za toje, jak rehulavali situacyju z dyjarejaj.

Paśla chvali abureńnia Vietšyk, jakaja pieramahła ŭ honcy ŭ Piekinie, zajaviła, što admovicca ad svajoj pieramohi.

U paście ŭ sacyjalnych sietkach Vietšyk napisała: «Ja chaču vykazać svaje ščyryja prabačeńni narodu Kitaja, maim sapiernicam i sapiernikam, hledačam i arhanizataram Hyrox za toje, što adbyłosia padčas spabornictvaŭ u Piekinie».

Jana taksama zaznačyła, što na momant startu była «całkam zdarovaj i ŭ dobraj fizičnaj formie» i nie mieła «nijakich padstaŭ» mierkavać, što zdarycca taki incydent.

«Azirajučysia nazad, ja škaduju pra rašeńnie praciahnuć spabornictvy. Ja ŭśviedamlaju, što pavinna była dziejničać inakš. Ja biaru na siabie adkaznaść za rašeńnie praciahnuć udzieł i ščyra prašu prabačeńnia za dyskamfort i niazručnaści, jakija heta vyklikała», — dadała Vietšyk.

U Hyrox padkreślili, što majuć «naładžanyja pracedury reahavańnia na bijałahičnaje zabrudžvańnie i miedycynskija incydenty».

U zajavie, apublikavanaj u Instagram, Fiurste paabiacaŭ «udaskanalić pracesy praviadzieńnia mierapryjemstvaŭ», kab «paźbiehnuć paŭtareńnia padobnych situacyj u budučyni».

Hyrox zasnavali ŭ Hiermanii ŭ 2017 hodzie, i za apošnija hady hetyja spabornictvy pieratvarylisia ŭ hłabalny fienamien

U kožnym zabiehu Hyrox udzielniki pa čarzie pieradolvajuć adzin kiłamietr biehu i vykonvajuć fites-praktykavańni, u tym liku pa šturchańni sanak, skački ź biorpi, viesłavańnie na trenažory ŭ pamiaškańni i vypady ź piasčanym miaškom.

Siońnia turniry pravodziać pa ŭsim śviecie.

Niekatoryja ŭdzielniki i naziralniki pytalisia, čamu sudździ spabornictvaŭ u Piekinie na minułych vychadnych nie ŭmiašalisia paśla incydentu. Praviły Hyrox praduhledžvajuć štrafy za takija dziejańni, jak «plavańnie, ačyščeńnie nasavych chadoŭ, zaśmiečvańnie i nienaležnaje vykarystańnie vady».

• 1
• 0
• 5
• 8
• 3
• 17
• 0
• 0