U Biełarusi ŭzdym zachvorvańniaŭ na hryp čakajuć u kancy studzienia — pačatku lutaha. Adnak sioleta jon moža pačacca raniej. Pra heta paviedamiła načalnica adździeła hihijeny, epidemijałohii i prafiłaktyki Ministerstva achovy zdaroŭja Ina Karaban.
Pavodle słoŭ śpiecyjalistki, pakul prahnoz nie adroźnivajecca ad situacyi papiarednich hadoŭ. Razam z tym u novym siezonie buduć cyrkulavać inšyja štamy virusa hrypu, jakija ŭklučanyja ŭ skład vakcyn, prapanavanych dla žycharoŭ Biełarusi.
Dla vakcynacyi sioleta buduć vykarystoŭvacca preparaty «Hrypoł plus», «Influvak Tetra» i «Vaksihryp Tetra», jakija ŭžyvalisia taksama letaś.
U pieršuju čarhu pryščapicca rekamiendujuć dzieciam va ŭzroście ad šaści miesiacaŭ da troch hadoŭ, dzieciam starejšaha ŭzrostu i darosłym z chraničnymi zachvorvańniami abo imunadeficytnymi stanami, a taksama ludziam va ŭzroście bolš za 65 hadoŭ. Mienavita siarod hetaj katehoryi čaściej za ŭsio sustrakajucca vypadki špitalizacyi z posthrypoznaj pnieŭmanijaj.
Vakcynacyja taksama rekamiendavanaja ciažarnym žančynam i pradstaŭnikam asobnych prafiesijnych hrup. U ich lik uvachodziać miedycynskija i farmaceŭtyčnyja rabotniki, supracoŭniki ŭstanoŭ z kruhłasutačnym režymam znachodžańnia i ludzi, jakija tam žyvuć, a taksama rabotniki orhanaŭ dziaržaŭnaha kiravańnia, adkaznyja za biaśpieku i žyćciadziejnaść dziaržavy.
Ina Karaban padkreśliła, što vakcynacyja źjaŭlajecca śpiecyfičnym srodkam prafiłaktyki, nakiravanym pieradusim na praduchileńnie ŭskładnieńniaŭ paśla hrypu, a nie tolki samoha zachvorvańnia.
Pavodle štohadovaha manitorynhu, u stacyjanary z uskładnieńniami čaściej traplajuć ludzi, jakija nie byli pryščeplenyja suprać hrypu.
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary