Kolkaść vypadkaŭ hanarei ŭ paraŭnańni z 2015 hodam vyrasła na 300 pracentaŭ.
Infiekcyi, jakija pieradajucca pałavym šlacham, u tym liku hanareja i sifilis, dasiahnuli rekordnaha ŭzroŭniu ŭ Jeŭropie. Jeŭrapiejski centr pa prafiłaktycy i kantroli zachvorvańniaŭ (ECDC) paviedamiŭ, što abiedźvie chvaroby ŭ 2024 hodzie dasiahnuli najvyšejšych pakazčykaŭ za bolš čym 10 hadoŭ, piša Bi-bi-si.
Kolkaść vypadkaŭ hanarei skłała 106 331 — heta rost na 303% u paraŭnańni z 2015 hodam, — tady jak pakazčyki sifilisu za toj ža pieryjad bolš čym padvoilisia i dasiahnuli 45 557.
ECDC adznačyŭ, što adnoj z pryčyn rostu pieradačy infiekcyj stała «pahłybleńnie prabiełaŭ u testavańni i prafiłaktycy», i zaklikaŭ da terminovych dziejańniaŭ.
«Hetyja infiekcyi mohuć vyklikać surjoznyja ŭskładnieńni, takija jak chraničny bol i biaspłodździe, a ŭ vypadku sifilisu — prablemy z sercam abo niervovaj sistemaj», — kaža Bruno Ciancio, kiraŭnik padraździaleńnia infiekcyjnych i vakcynavanych zachvorvańniaŭ ECDC.
Jon dadaŭ, što vypadki pryrodžanaha sifilisu — «kali infiekcyja pieradajecca niepasredna novanarodžanym, što pryvodzić da patencyjna pažyćciovych uskładnieńniaŭ» — amal padvoilisia z 2023 da 2024 hoda.
«Abaranić svajo seksualnaje zdaroŭje prosta. Vykarystoŭvajcie preziervatyvy z novymi abo niekalkimi partniorami i prachodźcie testavańnie, kali majecie simptomy», — dadaŭ jon.
Najbolšuju kolkaść paćvierdžanych vypadkaŭ hanarei i sifilisu siarod jeŭrapiejskich krain u 2024 hodzie mieła Ispanija — 37 169 i 11 556 adpaviedna.
ECDC paviedamiŭ, što najbolš niepraparcyjna zakranutaj hrupaj zastajucca mužčyny, jakija majuć seksualnyja adnosiny z mužčynami — mienavita ŭ hetaj hrupie nazirajecca najbolš rezki rost kolkaści vypadkaŭ hanarei i sifilisu.
Taksama paviedamlajecca, što značny rost vypadkaŭ sifilisu nazirajecca siarod hieteraseksualnych žančyn repraduktyŭnaha ŭzrostu.
Choć najbolš raspaŭsiudžanaj bakteryjalnaj infiekcyjaj u cełym zastajecca chłamidyjoz, kolkaść jaho vypadkaŭ z 2015 hoda źmienšyłasia na 6% i składaje 213 443.
Pavodle spravazdačy Ahienctva biaśpieki ŭ śfiery achovy zdaroŭja Vialikabrytanii, apublikavanaj u śniežni, u 2024 hodzie ŭ Anhlii zafiksavali 71 802 vypadki hanarei i 9 535 vypadkaŭ sifilisu.
Na praciahu tych ža 12 miesiacaŭ dyjahnastavali 168 889 vypadkaŭ chłamidyjozu.
U 2025 hodzie ŭ Vialikabrytanii ŭviali vakcynu suprać hanarei — paśla taho, jak u 2023 hodzie kolkaść vypadkaŭ dasiahnuła rekordnych 85 000.
Jakija simptomy hanarei i sifilisu
Simptomy hanarei mohuć uklučać bol, niezvyčajnyja vydzialeńni i zapaleńnie pałavych orhanaŭ — adnak u niekatorych vypadkach simptomy adsutničajuć.
Infiekcyj možna paźbiehnuć dziakujučy pravilnamu vykarystańniu preziervatyvaŭ i vakcynacyi.
Simptomy sifilisu ŭklučajuć jazvy vakoł pałavych orhanaŭ i rota, vysypańni na rukach, vypadzieńnie vałasoŭ i simptomy, padobnyja da hrypu. Ich časta ciažka zaŭvažyć na pačatku, i jany mohuć źjaŭlacca i źnikać z časam.
Jak i hanareju, sifilis možna praduchilić dziakujučy vykarystańniu preziervatyvaŭ i lačyć antybijotykami.
Abiedźvie infiekcyi, kali ich nie lačyć, mohuć vyklikać surjoznyja prablemy.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
...