Dźmitryj Andrejeŭ, adzin z udzielnikaŭ TAA «FiksMarkiet», jakaja źjaŭlałasia pieršym apierataram handlovaj sietki «Try cany», padaŭ pazoŭ u sud suprać svajoj kampanii i TAA «Płej chard». Jon choča pryznać niesapraŭdnaj ździełku, u vyniku jakoj aktyvy «FiksMarkiet» pierajšli novamu apierataru. Pieršaje pasiadžeńnie suda adbyłosia 15 žniŭnia, i na im pabyvaŭ Office Life.
Pradmietam sprečki źjaŭlajecca dahavor, jaki «FiksMarkiet» i «Płej chard» zaklučyli 3 studzienia 2022 hoda. Jak havorycca ŭ padadzienym u sud pazovie, pa hetym dahavory sa studzienia pa lipień 2022 hoda TAA «FiksMarkiet» pieradała TAA «Płej chard» usie zapasy i asnoŭnyja srodki.
Pakul u pazovie ahulny košt pieradadzienaj majomaści aceńvajecca ŭ 50 młn rubloŭ, ale, pa słovach advakata Andrejeva, pamier patrabavańniaŭ jašče moža być udakładnieny. U svaju čarhu abarona TAA «Płej chard» u sudzie acaniła košt pieradadzienych aktyvaŭ prykładna ŭ 48 młn rubloŭ, a taksama paviedamiła, što pakupnik zapłaciŭ «FiksMarkiet» kala 650 tys. rubloŭ i pahasiŭ niekatoryja daŭhi pieršaha apieratara.
Mienavita hety dahavor, pa jakim handlovaja sietka faktyčna źmianiła ŭłaśnika, Andrejeŭ choča pryznać niesapraŭdnym. Pa jaho mierkavańni, rašeńnie ab zaklučeńni hetaj ździełki było pryniata niezakonna z-za zacikaŭlenaści afiliravanych asob. A ŭ jaho zaklučeńni dla «FiksMarkiet» nie było nijakaj ekanamičnaj vyhody.
Jak havorycca ŭ pazovie, na momant zaklučeńnia ździełki dola Andrejeva ŭ TAA «FiksMarkiet» składała 7%. Druhim udzielnikam firmy była žonka Vitala Sabaleŭskaha, jaki źjaŭlaŭsia dyrektaram firmy. Jon ža adnačasova byŭ dyrektaram (a ciapier źjaŭlajecca ŭładalnikam) i ŭ «Płej chard», jakaja kiruje kramami sietki.
To-bok pazicyja kamandy Andrejeva takaja: pakolki ŭ ździajśnieńni ździełki miełasia zacikaŭlenaść afiliravanych asob, prymać rašeńnie ab jaje zaklučeńni druhi ŭdzielnik «FiksMarkiet» nie moh.
Akramia taho, u vyniku ździełki kampanija faktyčna spyniła pracu i pačała nazapašvać daŭhi, što pryviało da ŭzbudžeńnia ŭ dačynieńni da jaje spravy ab bankructvie.
Abarona kampanii «Płej chard» u sudzie fakt afiliravanaści ździełki pryznała. Ale samu ździełku ŭ kampanii ličać całkam zakonnaj. A dziejańni Andrejeva kvalifikujuć jak złoŭžyvańnie pravam i žadańnie paźbiehnuć subsidyjarnaj adkaznaści z-za bankructva «FiksMarkiet».
Zaraz u sudzie abvieščany pierapynak.
Jak by ni raźvivalisia padziei dalej, sprava vyhladaje davoli rezanansnaj. Bo na kanu faktyčna los nie adnaho asobna ŭziataha dahavora, a adnoj z najbujniejšych handlovych sietak, u jakuju viasnoj 2024-ha ŭvachodziła bolš za 300 handlovych abjektaŭ u 144 nasielenych punktach krainy.
Ciapier čytajuć
Azaraŭ zakryŭ płan «Pieramoha» i pieravioŭ usich udzielnikaŭ u rezierv17
Azaraŭ zakryŭ płan «Pieramoha» i pieravioŭ usich udzielnikaŭ u rezierv
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3333
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie33
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1111
Kamientary