Krainy Bałtyi paprasili ŭ Jeŭrakamisii 500 miljonaŭ jeŭra na abaronu ad dronaŭ
Nieabchodnaść dadatkovaha finansavańnia krainy abhruntavali «rostam pahrozy z boku Rasii».
Litva, Łatvija i Estonija zapytali ŭ Jeŭrapiejskaj kamisii 500 młn jeŭra na abaronu ad bieśpiłotnikaŭ. Adpaviedny list staršyni JEK Ursule fon der Lajen nakiravali ministry abarony troch dziaržaŭ, paviedamlaje Moscow Times.
Nieabchodnaść dadatkovaha finansavańnia krainy abhruntavali «rostam pahrozy z boku Rasii». Jany miarkujuć, što Maskva moža nanieści ŭdar dronami pa ŭschodnim fłanhu NATA, kab pravieryć hatoŭnaść aljansu zadziejničać 5‑y artykuł Paŭnočnaatłantyčnaj damovy.
Bałtyjskija krainy čakajuć, što adkaz ad kiraŭnicy JEK pastupić na praciahu niekalkich tydniaŭ i budzie stanoŭčym. U Vilniusie, Ryzie i Talinie taksama spadziajucca, što srodki ŭdasca atrymać da kanca hetaha hoda, adznačyli surazmoŭcy Iltalehti.
Raniej krainy Bałtyi nieadnarazova sutykalisia z parušeńniem svajoj pavietranaj prastory bieśpiłotnikami. Adnak padobnyja vypadki pačaścilisia za apošnija dva hady. Jak padličvała «Novaja Jeŭropa», sa studzienia 2025 hoda da maja 2026 hoda adbyłosia nie mienš za 24 takija incydenty. Za minułaje leta avijacyja NATA źbiła dva drony ŭ niebie nad Łatvijaj, a taksama adzin — nad Litvoj.
Na hetym fonie ministr abarony Litvy Robiertas Kaŭnas zaklikaŭ krainy Bałtyi padrychtavacca da rehularnych uvarvańniaŭ bieśpiłotnikaŭ. U pryvatnaści, jon padkreśliŭ važnaść uzmacnieńnia sistem supraćpavietranaj abarony i paviedamiŭ pra novyja inviestycyi ŭ radary i abaronu pavietranaj prastory.
Hienieralny sakratar NATA Mark Rute raniej nazyvaŭ reakcyju aljansu na incydenty z dronami ŭ bałtyjskich respublikach «spakojnaj, rašučaj i suraźmiernaj».
U siaredzinie vieraśnia premjer-ministr Polščy Donald Tusk zajaviŭ, što Rasija moža rychtavać u najbližejšy čas «hibrydnyja ataki» z dapamohaj rakiet i bieśpiłotnikaŭ suprać dziaržaŭ, jakija padtrymlivajuć Ukrainu.
Da hetaha rasijskija ŭłady nieadnarazova pahražali krainam Bałtyi, abvinavačvajučy ich u dapamozie Ukrainie z zapuskam dronaŭ. Uładzimir Pucin adkryta zajaŭlaŭ, što Rasija naniasie ŭdary ŭ adkaz pa tych dziaržavach Jeŭropy, jakija dazvolać zapuskać sa svajoj terytoryi ŭkrainskija bieśpiłotniki dla ŭdaraŭ pa rasijskich abjektach.
Ciapier čytajuć
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary