Здарэнне адбылося ў пачатку кастрычніка ў адной з гарадскіх кавярняў, дзе маладыя святкавалі вяселле.
Каля гадзіны ночы, калі банкет падышоў да канца, маладая пара пачала збіраць падарункі. Дапамагчы пары вызвалася 22‑гадовая сведка: яна ўзяла са стала скрынку з падарункавымі канвертамі ад сваякоў і аднесла яе ў гардэроб, паведамляе абласная міліцыя.
Як высветлілася пазней, па дарозе дзяўчына адкрыла скрынку. З чатырох канвертаў, якія знаходзіліся ўнутры, яна прадбачліва выбрала адзін з найбольшай сумай грошай. Здабычай сталі 3000 рублёў.
Маладая заўважыла знікненне грошай толькі праз тыдзень, пасля чаго адразу звярнулася з заявай у Слонімскі РАУС. Супрацоўнікі крымінальнага вышуку аднавілі храналогію падзей той ночы і выйшлі на падазраваную.
Высветлілася, што ўсе скрадзеныя грошы дзяўчына ўжо паспела патраціць на азартныя гульні. Свой учынак яна патлумачыла звычайным недахопам асабістых грошай.
Распачата крымінальная справа паводле артыкула «Крадзеж». Акрамя абавязку цалкам кампенсаваць нанесеную шкоду, дзяўчыне пагражае пакаранне аж да трох гадоў пазбаўлення волі.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары