Генерал Лапін стане віцэ-прэм'ерам Татарстана. Ва Украіне яго завочна прысудзілі да пажыццёвага
Ён будзе курыраваць пытанні падтрымкі ўдзельнікаў «спецыяльнай ваеннай аперацыі».
Генерал Аляксандр Лапін стане віцэ-прэм'ерам Татарстана. Ва Украіне яго завочна прысудзілі да пажыццёвага зняволення. Пра яго прызначэнне паведаміў кіраўнік Татарстана Рустам Мініханаў, піша «Настоящее время».
Ён будзе курыраваць пытанні падтрымкі ўдзельнікаў «спецыяльнай ваеннай аперацыі» (так расійскія ўлады называюць поўнамаштабнае ўварванне ва Украіну). Для гэтага ў складзе ўрада Татарстана стварылі асобнае структурнае падраздзяленне.
Лапін — генерал-палкоўнік у запасе. У розныя гады ён быў начальнікам штаба групоўкі войскаў у Сірыі, камандуючым груповак «Цэнтр» і «Поўнач».
Восенню 2022 года ў яго адбыўся канфлікт з кіраўніком Чачні Рамзанам Кадыравым, які абвінаваціў яго ў фактычнай здачы Лімана, захопленага Расіяй у першыя дні поўнамаштабнага ўварвання ва Украіну і вызваленага ўкраінскай арміяй падчас восеньскага контрнаступлення 2022 года.
У верасні 2025 года Лапін быў звольнены з арміі.
У чэрвені 2026 года суд ва Украіне завочна прысудзіў Лапіна да пажыццёвага зняволення па абвінавачанні ў замаху на тэрытарыяльную цэласнасць і недатыкальнасць Украіны, а таксама ў падрыхтоўцы і вядзенні агрэсіўнай вайны.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь3
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары