Медыя з тэлевізійнага пула Белага дома падтрымалі тэлеканал CNN у канфлікце з Трампам. Не застаўся ўбаку і Fox News
Кіраўнік вашынгтонскага бюро Fox News Браян Боўтан накіраваў ліст да медыя, у якім паведаміў, што тэлевізійны пул Белага дома не будзе асвятляць мерапрыемствы прэзідэнта ЗША Дональда Трампа, паведамляе CNN.
«З сённяшняга дня тэлевізійны пул не будзе асвятляць падзеі, вызначаныя як пул асвятлення дзейнасці прэзідэнта. Гэта адбываецца ў адказ на пазіцыю Белага дома, якая перашкаджае CNN выконваць свае абавязкі па пуле. Пул узамен не будзе створаны», — напісаў Боўтан.
Пяць амерыканскіх медыя — ABC, CBS, CNN, NBC і Fox News — па чарзе здымаюць прэзідэнта і перадаюць жывыя трансляцыі адна адной і больш шырокаму колу як амерыканскіх, так і міжнародных медыя.
Браян Боўтан паведаміў у лісце, што ўсе іншыя тэлевізійныя праграмы «будуць працягвацца ў звычайным рэжыме, уключаючы выступленні Кангрэса, віп-персон і асобныя мерапрыемствы ў Вашынгтоне і па ўсёй краіне».
18 верасня прэзідэнт ЗША Дональд Трамп абвясціў пра забарону доступу да Белага дома для журналістаў CNN, MS NOW і Politico. Ён патлумачыў гэта тым, што гэтыя медыя нібыта распаўсюджваюць «фэйкавыя» матэрыялы.
21 верасня CNN, Politico і MS NOW падалі пазоў супраць адміністрацыі Дональда Трампа пасля таго, як іх журналістаў пазбавілі доступу да тэрыторыі Белага дома. Выданні заяўляюць, што рашэнне парушае гарантаваныя Першай папраўкай Канстытуцыі ЗША правы на свабоду слова і прэсы.
Цяпер чытаюць
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй43
Каментары