Яны плануюць абмеркаваць шырокае кола пытанняў.
Прэзідэнт ЗША Дональд Трамп заявіў, што ўжо на наступным тыдні адправіцца ў Кітай і можа сустрэцца з Уладзімірам Пуціным і старшынёй КНР Сі Цзіньпінам. Яны плануюць абмеркаваць шырокае кола пытанняў, пішуць амерыканскія СМІ.
Падчас размовы з журналістамі Трампа спыталі, ці адбудзецца на наступным тыдні яго трохбаковая сустрэча з Пуціным і Сі. У адказ ён даў зразумець, што такая сустрэча магчымая і бакі абмяркуюць розныя тэмы. Адной з іх стане пытанне дэнуклеарызацыі.
«Я збіраюся адправіцца ў Кітай… І адна з сустрэч, думаю, будзе з прэзідэнтам Пуціным і прэзідэнтам Сі. Гэта будзе цікава. Мы абмяркуем мноства пытанняў, у тым ліку дэнуклеарызацыю. Але будзем гаварыць і пра розныя іншыя рэчы», — сказаў Трамп.
18 і 19 лістапада ў кітайскім Шэньчжэне адбудзецца саміт Азіяцка-Ціхаакіянскага эканамічнага супрацоўніцтва, падчас якога і можа прайсці сустрэча лідараў трох краін.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары