U Navapołacku źbirajucca padoŭžyć tramvajnuju liniju. U Biełarusi takoha nie rabili ŭžo čverć stahodździa
U Navapołacku surjozna sabralisia praciahvać tramvajnuju liniju, piša Blizko.by, adznačajučy, što heta moža stać pieršym budaŭnictvam novych tramvajnych šlachoŭ u krainie za apošnija 25 hadoŭ.
Navapołacki harvykankam paviedamiŭ žycharam horada pra praviadzieńnie hramadskaha abmierkavańnia, na jakoje vyniesiena spravazdača ab acency ŭździejańnia na navakolnaje asiarodździe prajekta budaŭnictva, zaŭvažyŭ navapołacki sajt Gorod214.
Na sajcie harvykankama apublikavanaja sama spravazdača i pradstaŭlena abhruntavańnie nieabchodnaści płanavanaj dziejnaści. Adznačajecca, što realizacyja inviestycyjnaha prajekta nakiravanaja na raźvićcio tramvajnaha ruchu ŭ Navapołacku.
Meta prajekta — palepšyć biaśpieku i jakaść pasažyrskich pieravozak, a taksama vyznačyć najbolš ekanamična metazhodny varyjant padaŭžeńnia najaŭnych tramvajnych šlachoŭ u horadzie.
Uzvodzić tramvajnuju liniju ŭ Navapołacku płanujuć dźviuma čerhami. Prajektam 1-j čarhi praduhledžany praciah tramvajnaj linii ad najaŭnaj praciahłaściu aryjencirovačna 3,7 km. Heta ŭčastak ad vulicy Kamsamolskaja pa vulicach Zavodski prajezd i Maładziožnaja da pasiołka Palimiraŭski z budaŭnictvam razvarotnaha kolca.
Razhladajucca 2 varyjanty padaŭžeńnia tramvajnaha šlachu:
- uzdoŭž vulicy Maładziožnaj tramvajnaje pałatno praduhledžana sprava ad prajeznaj častki pa zialonaj linii ź pieranosam tratuara.
- uzdoŭž vulicy Maładziožnaj tramvajnaje pałatno praduhledžana pa centry prajeznaj častki z uładkavańniem prypynačnych punktaŭ na prajeznaj častcy.
Druhaja čarha padaŭžeńnia pradstaŭlenaja taksama ŭ dvuch varyjantach:
- Enierhietykaŭ i Naftapierapracoŭščykaŭ ad prachadnoj zavoda AAT «Naftan» da prypynačnaha punkta tramvaja «Padstancyja».
- Naftapierapracoŭščykaŭ, Mantažnikaŭ, Partyzanskaj, Pramysłovaj ad prypynačnaha punkta tramvaja «Padstancyja» da zavoda «Palimir».
Hramadskaje abmierkavańnie pravodzicca da 16 krasavika.
Navapołack — adzin z čatyroch haradoŭ Biełarusi (akramia jaho — Minsk, Viciebsk i Mazyr), jakija majuć tramvajnuju sistemu. Adziny tramvajny maršrut źviazvaje horad z pramysłovaj zonaj. Najaŭny dvuchšlachovy tramvajny šlach prachodzić na adasoblenym pałatnie pa centry vulicy Kamsamolskaja.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju33
Kamientary
a pierieniesti tramvaj na Mołodiežnuju, eto udobno dla vsiech, kromie žitielej domov na piervoj linii. i už sovieršienno točno nie mieždu projezžich častiej...