Hiensak NATA pra abstreł Pieciarburha ŭ dni ekanamičnaha forumu: patrebny dazvoł Zialenskaha, jak na 9 maja
Mark Rute pakpiŭ z Pucina.
U NATA nie bačać prablem u abstrele Ukrainaj Sankt-Pieciarburha ŭ dzień, kali tam startuje Pieciarburhski mižnarodny ekanamičny forum (PMEF) — klučavaja mižnarodnaja padzieja dla Pucina. Pra heta hiensak NATA Mark Rute zajaviŭ 3 červienia na sumiesnaj pres-kanfierencyi z Uładzimiram Zialenskim u Kijevie, paviedamlaje «Jeŭrapiejskaja praŭda».
Rute pravioŭ paralel pamiž hetaj padziejaj i paradam Pieramohi 9 maja, praviadzieńnie jakoha było vielmi važnym dla Pucina.
«Ukraina zaraz dasiahnuła takich pośpiechaŭ, što Pucin moža arhanizavać parad 9 maja tolki dziakujučy aficyjnamu ŭkazu voś hetaha prezidenta», — zajaviŭ jon, pakazaŭšy na Zialenskaha.
Hiensak NATA źviarnuŭsia da ŭkrainskaha lidara z uspaminami pra tyja padziei:
«Zdajecca, vy tady dazvolili jamu [Pucinu] pravodzić parad na praciahu dźviuch hadzin. I jon skončyŭ heta za 1 hadzinu 55 chvilin, to-bok vyrašyŭ nie ryzykavać».
Napiaredadni paradu 9 maja Zialenski, reahujučy na zvarot partnioraŭ, daŭ harantyju taho, što Maskva nie sutykniecca z abstrełami z boku Ukrainy i aficyjna, svaim ukazam, daŭ dazvoł Pucinu pravieści parad na Čyrvonaj płoščy.
Uładzimir Zialenski dadaŭ, što metaj nie była ataka mienavita na Pucina, jaki płanuje naviedać PMEF.
«Ščyra kažučy, ja nie saču, u mianie niama prahramki, kudy Pucin jedzie ŭ jaki dzień. My adkazvajem na ŭdary pa Ukrainie. Ja liču, što my nanosim spraviadlivyja ŭdary. Sutki tamu była masavanaja ataka, my adkazali im adpaviedna. Ale my adkazvajem [udarami] vyklučna pa NPZ i vajskovych celach, spraviadlivych celach. Voś što robić Ukraina», — dadaŭ jon.
Kamientary
a niechta niekali kazaŭ, što nata (zša) nie vajuje va Ukrainie