Pałovu nastupnaha tydnia budzie daždžyć, ale paśla raspahodzicca
Sinoptyk Dźmitryj Rabaŭ u efiry telekanała ANT paviedamiŭ, što na tydni z 8 da 14 červienia nadvorje ŭ Biełarusi budzie niaŭstojlivym. Pačatak tydnia pryniasuć daždžy, navalnicy, a miescami mocnyja zalevy i hrad. Adnak bližej da vychadnych nadvorje pastupova palepšycca, a tempieratura pavietra padymiecca da letnich značeńniaŭ.
U paniadziełak kraina apyniecca pad upłyvam aktyŭnaha atmaśfiernaha frontu. Čakajucca daždžy i navalnicy pa ŭsioj terytoryi Biełarusi, miescami mahčymyja mocnyja liŭni i hrad. Nočču budzie ad +13 da +17 hradusaŭ, udzień — ad +20 da +25, ale padčas apadkaŭ tempieratura moža panižacca da +15…+19.
U aŭtorak nadvorje istotna nie źmienicca. Zachavajucca karotkačasovyja daždžy i navalnicy, paryvy vietru mohuć dasiahać 15—20 mietraŭ za siekundu. Tempieratura nočču składzie ad +12 da +16 hradusaŭ, udzień — ad +19 na paŭnočnym zachadzie da +25 na paŭdniovym uschodzie.
U sieradu taksama prahnazujucca karotkačasovyja daždžy. U Bresckaj i Hrodzienskaj abłaściach mahčymyja vielmi mocnyja zalevy. Nočču budzie +12…+15, udzień — ad +18 da +26 hradusaŭ.
Z čaćviarha situacyja pačnie palapšacca dziakujučy rostu atmaśfiernaha cisku. Pieravažna budzie vobłačna z prajaśnieńniami. Karotkačasovyja daždžy i navalnicy mahčymyja tolki miescami, hałoŭnym čynam u Viciebskaj vobłaści. Nočču čakajecca ad +9 da +13, udzień — ad +18 na poŭnačy da +25 na poŭdni krainy.
U piatnicu budzie pieramiennaja vobłačnaść, miescami mahčymyja karotkačasovyja daždžy. Tempieratura pavietra nočču składzie +9…+14 hradusaŭ, udzień — ad +20 da +25.
Na vychadnych u Biełaruś pryjdzie ciopły antycykłon. U subotu čakajecca soniečnaje nadvorje bieź istotnych apadkaŭ. Nočču budzie ad +10 da +15, udzień — ad +21 da +26 hradusaŭ.
U niadzielu nadvorje stanie jašče bolš letnim. Apadkaŭ nie prahnazujecca, ranicaj miescami mahčymy tuman. Nočču tempieratura panizicca da +4…+8 hradusaŭ, a ŭdzień pavietra prahrejecca ad +24 na poŭnačy krainy da +29 hradusaŭ na paŭdniovym zachadzie.
Takim čynam, pieršaja pałova tydnia budzie daždžlivaj i navalničnaj, a druhaja pryniasie bolš sonca, ciapła i sapraŭdnaje letniaje nadvorje.
Ciapier čytajuć
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1313
Kamientary