U Iŭi na fiestyvali pamidoraŭ pryhatavali 9‑mietrovy buterbrod
Taksama tam uračysta zakatali słoik «kaśmičnych tamataŭ».
Siońnia ŭ rajcentry na Haradzienščynie prachodzić fiestyval «Iŭjeŭski pamidor». Jaho centralnaj častkaj stała ŭračystaje šeście pa vulicach horada.
Na nabiarežnaj haradskoj sažałki ŭsich haściej sustrakała pamidornaje karaleŭstva. Haspadary śviata sińjor Pamidor i jaho spadarožnica Pamidorka prypłyli tudy pad punsovaj vietraziu.
Tradycyjaj fiestyvalu źjaŭlajecca ŭračystaja zakatka słoikaŭ ź iŭjeŭskimi pamidorami. Adzin ź ich zakatali čynoŭniki, a inšy — pradstaŭniki miascovaha duchavienstva.
A słoik «Kaśmičny ŭradžaj» zrabili z pamidoraŭ, nasieńnie jakich letaś źlatała ŭ kosmas. Jaho davieryli zakryć miascovym školnikam i haściam z Rasii: namieśnicy hałoŭnaha redaktara «Rasijskaj haziety» Jadźvizie Jufieravaj i pałkoŭniku Vajskova-kaśmičnych sił RF Viktaru Šutavu.
Siurpryzam dla ŭsich naviedvalnikaŭ staŭ 9‑mietrovy śviatočny buterbrod.
Kamientary