Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
«Kali b Łukašenka sieŭ za kruhły stoł, jon moh by skazać Pucinu: hladzi, ja damoviŭsia navat z apazicyjaj. My nie chočam vajny. I što na heta skaža Pucin?»
Padčas adnoj z dyskusij na kanfierencyi «Novaja Biełaruś 2026» Pavieł Łatuška razvažaŭ: akno mahčymaściej dla Biełarusi adkryjecca, kali ŭ Rasii nie budzie srodkaŭ utrymlivać svajo proksi. Heta akno nabližajecca dziakujučy tamu, što ŭ Rasii harać NPZ, Vajłdbieryz, ułady nie mohuć raźmieścić ablihacyi fiederalnaj pazyki. Praz hetyja i inšyja prablemy, na dumku Łatuški, u Rasii moža nie znajścisia hrošaj, kab zaŭsiody padtrymlivać režym Łukašenki.
Tamu, ličyć palityk, tranzit ułady i pieramovy buduć zapuščany ŭ krainie.
Niehatyŭny scenar dla Biełarusi Łatuška ličyć małaimaviernym.
«Nie, jon patencyjna, kaniešnie, mahčymy, ale ŭjavicie sabie, što rasijskija vojski ŭvachodziać na terytoryju Biełarusi, kali jany nie zdoleli pieramahčy Ukrainu. Jany akreślili, što hałoŭnym ekzistencyjnym voraham dla Rasii źjaŭlajecca Ukraina, ukrainski narod, abazvali ich chłuśliva nacystami, i zaŭtra jany kažuć rasijskamu hramadstvu: viedajecie, a akazvajecca, i biełaruski narod — nacysty.
Heta ž varjactva, ja nie ŭjaŭlaju, jak kramloŭskaja prapahanda budzie tłumačyć svaju ahresiju ŭ Biełarusi. A kali my ŭ hety čas damovimsia z namienkłaturaj, suprać kaho budzie vajavać rasijskaje hramadstva?»
Tamu Łatuška ličyć, što ŭ Łukašenki jość adzin vychad, kab zachavać niezaležnaść.
«Kali b jon sieŭ za kruhły stoł, jon moh by skazać Pucinu: hladzi, ja damoviŭsia navat z apazicyjaj. My nie chočam vajny, my razam nie chočam vajny. I što na heta skaža Pucin?»
Kamientary
Takich ludziej treba vytrasać ź biełaruskaha hramadstva jak kłapoŭ, jakija sasali našuju kroŭ dziesiacihodździami i znoŭ chočuć prysasacca ź inšaha boku!
Kohda million hraždan vykinut za hranicu, i niezavisimosť strany pod uhrozoj, užie nie do śmiecha.