Były načalnik rasijskaj kałonii, dzie siadzieŭ Navalny i inšyja palitviaźni, atrymaŭ 7 hadoŭ za chabar
Były načalnik kałonii №2 u Pakrovie Uładzimirskaj vobłaści Alaksandr Muchanaŭ asudžany na 7 hadoŭ pazbaŭleńnia voli ŭ kałonii strohaha režymu za atrymańnie bujnoha chabaru. Akramia taho, sud pryznačyŭ jamu štraf sumaj 1,5 miljona rasijskich rubloŭ (17800 dalaraŭ), paviedamlaje vydańnie Sota.
Muchanaŭ z 2019 hoda ŭznačalvaŭ kałoniju №2 u Pakrovie. U hetaj kałonii ŭ roznyja hady ŭtrymlivalisia viadomyja rasijskija palitviaźni, u tym liku Alaksiej Navalny, fihuranty tak zvanaj «spravy Majakoŭskaha», były maskoŭski municypalny deputat Alaksiej Horynaŭ i nacyjanalist Dźmitryj Dziomuškin.
Paśla prychodu Muchanava, pavodle śviedčańnia advakatki Maryi Ejsmont, u kałonii zamiest adkrytaha fizičnaha hvałtu sfarmavaŭsia režym pastajannaha i poŭnaha kantrolu nad źniavolenymi.
U 2025 hodzie stała viadoma pra zakryćcio hetaj ustanovy i pieravod źniavolenych u inšyja kałonii. Paśla hetaha Muchanaŭ uznačaliŭ žanočuju kałoniju №1 u pasiołku Hałavino Uładzimirskaj vobłaści. Adnak užo vosieńniu jaho zatrymali pa padazreńni ŭ atrymańni chabaru.
Pavodle materyjałaŭ śledstva, babula 23‑hadovaj źniavolenaj, jakaja adbyvała piacihadovy termin za razboj, praz byłuju vychavanku kałonii paprasiła pieravieści ŭnučku sa šviejnaj bryhady na inšuju pracu. Muchanaŭ, jak śćviardžaje śledstva, zapatrabavaŭ za heta 150 tysiač rubloŭ (kala 1800 dalaraŭ).
U vyniku sud pryznaŭ byłoha načalnika kałonii vinavatym u atrymańni chabaru na bujnuju sumu i pryznačyŭ jamu siem hadoŭ kałonii strohaha režymu.
U Rasii abjavili pra 23‑hadovy prysud dla «polskaha špijona»
Chłopca, jaki žyŭ u Ivana-Frankoŭsku i pryjechaŭ u hości da svajakoŭ u Rasiju, pasadzili na 13 hadoŭ — za danaty na $60
Kreml vyzvaliŭ źniavolenaha byłoha amierykanskaha marpiecha. Za što — pakul nieviadoma
Biełaruskaha Siniuju Baradu adpuścili z rasijskaj turmy pamirać doma
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi5
Kamientary
NN lepiej by pra chłopcaŭ našych napisała, što jany va Ukrainie robiać, čym pra niejkich rasijancaŭ.
https://www.ukrinform.ua/rubric-culture/4152369-u-zaporizzi-vidkrili-fotovistavku-prisvacenu-biloruskomu-pidrozdilu-akij-boronit-ukrainu.html
U RF užo karystajucca biełaruskimi hrašyma? )
U RF, 150t. r = ~$1800