«Strašny tresk i hrukat». Na śvitanku Homiel razbudzili hučnyja huki ŭ niebie
Huki nie byli padobnyja da zvyčajnaha šumu ruchavika šachiedaŭ, paviedamlaje «Fłahštok».
Hamielčuki ŭ sacsietkach abmiarkoŭvajuć, što adbyłosia rankam 20 žniŭnia ŭ Centralnym rajonie horada.
Pavodle paviedamleńniaŭ karystalnikaŭ, kala 05:25 ich razbudzili nietypovyja vielmi hučnyja huki ŭ niebie. Zychodziačy z apisańniaŭ vidavočcaŭ, možna vykazać zdahadku, što fiksavaŭsia huk pralotu drona i vybuch, albo pralot źniščalnika.
«Razbudziŭ strašny tresk i hrukat», «byŭ huk, niejki dziki tresk», «razdaŭsia hrukat nad domam», — tak hamielčuki apisvajuć toje, što adbyłosia.
Pavodle ich słoŭ, takija huki čuli žychary damoŭ na vulicy Kožara ŭ Starym Aeradromie, a taksama ŭ susiedniaj Vałatavie (17-i, 18‑i mikrarajony), u Staroj Vałatavie. Niekatoryja karystalniki śćviardžajuć, što paznali huk pralotu źniščalnika.
Prykmietna, što hetaj nočču nad horadam nie fiksavaŭsia huk «jak u motarolera», jaki staŭ zvykłym dla Homielščyny, — charaktarny šum «Hierań-136», najbolš raspaŭsiudžanaha ŭdarnaha BPŁA rasijskaha vytvorčaści.
Jakraz u hety čas praciahvałasia masavanaja pavietranaja ataka Rasii pa terytoryi Ukrainy. «Fłahštok» praanalizavaŭ paviedamleńni ŭkrainskich manitorynhavych kanałaŭ i Pavietranych sił USU. Pra vypadki zalotaŭ BPŁA na terytoryju Biełarusi nie paviedamlałasia, ale viadoma, što rasijskija reaktyŭnyja drony ruchalisia ŭzdoŭž biełaruska-ŭkrainskaj miažy (ad Dobrušskaha da Brahinskaha rajonaŭ).
Čarhovaja hrupa rasijskich reaktyŭnych dronaŭ pierasoŭvałasia ŭzdoŭž miažy pryblizna z 4 da 5 ranicy. Taksama ŭ hety čas na Kijeŭ i Baryspal lacieli rakiety z poŭnačy i ŭschodu.
Ukraina taksama zapuskała BPŁA pa terytoryi Rasii, ale heta adbyvałasia značna raniej — kala 23:00 19 žniŭnia.
Mahčyma, hetaj ranicaj hamielčuki stali śviedkami sproby źbićcia reaktyŭnaha BPŁA nad horadam — udałaj ci niaŭdałaj.
Ciapier čytajuć
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia13
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary
[Zredahavana]