Paśla apošniaha bujnoha pamiłavańnia palitviaźniami pryznali jašče 224 čałavieki
Taksama pravaabaroncy postfaktum pryznali palitviaźniami jašče 138 čałaviek, paviedamiła «Viasna».
19 sakavika ŭ vyniku pamiłavańnia na volu vyjšli 250 palitviaźniaŭ. Z taho času pravaabaroncy pryznali palityčnymi viaźniami jašče 224 čałavieki, jakija ŭtrymlivajucca za kratami pavodle palityčnych matyvaŭ.
Akramia taho, za hety ž pieryjad pravaabaroncy postfaktum pryznali palitviaźniami jašče 138 čałaviek — na momant pryznańnia jany ŭžo vyjšli na volu.
Takim čynam, paśla vyzvaleńnia 250 palitviaźniaŭ 19 sakavika pravaabaroncy zafiksavali i pryznali palityčna matyvavanym źniavoleńnie jašče 362 čałaviek.
Siońnia Łukašenka na sustrečy z Džonam Koŭłam zajaviŭ, što hetaha nibyta fejk, što ŭ Biełarusi sadžajuć u dva razy bolej palitviaźniaŭ, čym vypuskajuć.
«Našy ŭciekačy raskručvajuć temu na Zachadzie i vas, adčuvaju, pavodle maich źviestak, pierakanali ŭ tym, što my kahości tut adpuskajem, ale, praciahvajučy represii, na hetaje miesca ŭdvaja bolš zatrymlivajem ludziej. Ja chaču publična vam skazać, što heta absalutnaja niapraŭda», — zajaviŭ Łukašenka.
-
35 hadoŭ tamu bieł-čyrvona-bieły ściah i hierb «Pahonia» stali dziaržaŭnymi simvałami
-
Cichanoŭskaja ščyra raskazała pra chvarobu syna i niabačnuju pracu žančyn. «Dziesiać hadoŭ svajho žyćcia ja pryśviaciła jamu i jaho reabilitacyi»
-
U vyšuk abviaścili mahiloŭskaha deputata i pradziusara. Ź im za miažu źjechała viadučaja dziaržaŭnaha telekanała
Kamientary
Było b nie błaha skazać, kolki z hetych 362 čałaviek kinuli za kraty paśla 19 sakavika, kab była paŭnavartasnaja karcina.