Andrej Alaksandraŭ: Za kratami ja viedaŭ, što biełaruskaja žurnalistyka pracuje, i tamu spakojna źbivaŭ paddony
«I hałava nie musić baleć za niejkija spravy». Pra heta miedyjamieniedžar Andrej Alaksandraŭ, jaki vyjšaŭ na volu ŭ sieradu, pažartavaŭ siońnia ŭ Vilni padčas kanfierencyi «Biełaruskija miedyja: jakaść, davier, standarty».
Padčas vystupu na kanfierencyi Andrej Alaksandraŭ padziakavaŭ biełaruskim žurnalistam za zachavańnie prafiesijnaj dziejnaści i adznačyŭ važnaść padtrymki, jakuju jon i jahonaja siamja atrymlivali ŭ pieryjad źniavoleńnia, paviedamlaje Radyjo Svaboda sa spasyłkaj na «Pozirk».
«Ja vielmi chaču ŭsim padziakavać za vialikuju padtrymku, jakuju ja adčuvaŭ kožny dzień. Ja vielmi ŭdziačny ŭsim ludziam, jakija padtrymlivali maju siamju, — skazaŭ jon. — Ja viedaju pra bolšaść z vas — pra ŭsich maich siabroŭ, kaleh, ludziej, ź jakimi ja pracavaŭ u BAŽ i BiełaPAN.
I heta vielmi-vielmi važna, heta prosta prymušała mianie štodnia viedać, što ŭsio ŭ paradku, ludzi pracujuć, sprava praciahvajecca, možna spakojna źbivać paddony, i hałava nie musić baleć za niejkija spravy».
«Z nami śviet nie skončyŭsia, i my nie skančajemsia, bo my jość adzin u adnaho. Nijakija kraty… Kraty — heta prosta ŭmoŭnaść, heta prosta takija abstaviny. Ale my macniej za abstaviny, bo my razam, my vielmi kłasnyja i krutyja. Mnie vielmi pryjemna być u kampanii narmalnych ludziej, prynamsi, z vałasami na hałavie», — dadaŭ Alaksandraŭ.
Andrej Alaksandraŭ byŭ zatrymany ŭ Biełarusi 12 studzienia 2021 hoda razam ź Irynaj Złobinaj. Paźniej jany pabralisia šlubam za kratami. Andrej byŭ asudžany na 14 hadoŭ kałonii pavodle čatyroch artykułaŭ Kryminalnaha kodeksa Biełarusi.
16 vieraśnia 2026 hoda Alaksandraŭ i Złobina byli vyzvalenyja i vyjechali ŭ Litvu.
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary