Андрэй Аляксандраў: За кратамі я ведаў, што беларуская журналістыка працуе, і таму спакойна збіваў паддоны
«І галава не мусіць балець за нейкія справы». Пра гэта медыяменеджар Андрэй Аляксандраў, які выйшаў на волю ў сераду, пажартаваў сёння ў Вільні падчас канферэнцыі «Беларускія медыя: якасць, давер, стандарты».
Падчас выступу на канферэнцыі Андрэй Аляксандраў падзякаваў беларускім журналістам за захаванне прафесійнай дзейнасці і адзначыў важнасць падтрымкі, якую ён і ягоная сям’я атрымлівалі ў перыяд зняволення, паведамляе Радыё Свабода са спасылкай на «Позірк».
«Я вельмі хачу ўсім падзякаваць за вялікую падтрымку, якую я адчуваў кожны дзень. Я вельмі ўдзячны ўсім людзям, якія падтрымлівалі маю сям’ю, — сказаў ён. — Я ведаю пра большасць з вас — пра ўсіх маіх сяброў, калег, людзей, з якімі я працаваў у БАЖ і БелаПАН.
І гэта вельмі-вельмі важна, гэта проста прымушала мяне штодня ведаць, што ўсё ў парадку, людзі працуюць, справа працягваецца, можна спакойна збіваць паддоны, і галава не мусіць балець за нейкія справы».
«З намі свет не скончыўся, і мы не сканчаемся, бо мы ёсць адзін у аднаго. Ніякія краты… Краты — гэта проста ўмоўнасць, гэта проста такія абставіны. Але мы мацней за абставіны, бо мы разам, мы вельмі класныя і крутыя. Мне вельмі прыемна быць у кампаніі нармальных людзей, прынамсі, з валасамі на галаве», — дадаў Аляксандраў.
Андрэй Аляксандраў быў затрыманы ў Беларусі 12 студзеня 2021 года разам з Ірынай Злобінай. Пазней яны пабраліся шлюбам за кратамі. Андрэй быў асуджаны на 14 гадоў калоніі паводле чатырох артыкулаў Крымінальнага кодэкса Беларусі.
16 верасня 2026 года Аляксандраў і Злобіна былі вызваленыя і выехалі ў Літву.
-
У Беларусі перастала працаваць сістэма анлайн-кантролю за рухам тавараў — ад шын да фенаў. Гэта не першы такі збой сёлета
-
«А як ты выкупіў адразу акцэнт?» Рэпер Баста па голасе пазнаў музыканта з Чавусаў і расказаў пра сваё дзяцінства ў закрытым гарадку пад Дзятлавам
-
Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары