Biełaruski akcior pravodzić u Biełastoku kaściumavanyja ekskursii
Vasil Kałač nazyvaje siabie nie prosta ekskursavodam — jon uvachodzić u rolu piersanaža z peŭnaj epochi. I raskazvaje pra histaryčnyja padziei ad jahonaj asoby.
Biełaruski akcior, režysior, fiechtavalščyk i papularyzatar historyi ciapier pravodzić ekskursii ŭ Biełastoku. Jak heta adbyvajecca i jak taki farmat usprymajuć žychary horada, jon pakazaŭ prajektu Most «Biełarusy mohuć».
Vasil rodam z Hrodna. Adnak lehalna pravodzić ekskursii na radzimie jon nie moh: nie było zdadzienaha ekzamienu ekskursavoda.
— Dy ja i nie abaraniŭ by sa svaimi temami nikoli ŭ žyćci. Tamu što ideałohija i cenzura zarezała by ŭsio heta na stadyi padanaj papiery, — tłumačyć jon. I dadaje, što častka ekskursij prajšła naprykancy 2020‑ha i ŭ 2021 hodzie, i tady zaŭsiody była ryzyka taho, što jaho aryštujuć.
Vymušana pakinuŭšy radzimu i pryjechaŭšy ŭ Biełastok, Vasil pačaŭ cikavicca historyjaj horada. Ciapier jon raskazvaje hrupam nie tolki pra dziejańni karaloŭ ci inšych histaryčnych postaciaŭ, ale i pra toje, jakim byŭ ład žyćcia i stasunki žycharoŭ horada.
Ekskursii Vasil pravodzić pa-biełarusku i pa-polsku. U jaho niama moŭnaha barjeru.
U Hrodnie polskaja mova zaŭsiody była na słychu, da taho ž jon časta jeździŭ u hetuju krainu. Vasil kaža, što Biełastok zaŭsiody byŭ šmatkulturnym horadam, tak što ŭschodni akcent, jaki jość, «jak jaho ni vytraŭlivaj», navat dadaje kałarytu. Udzielniki ekskursij navat pytalisia ŭ biełarusa, jak jamu ŭdałosia nabyć taki pryhožy akcent.
Ciapier akcior maryć adkryć u Biełastoku škołu histaryčnaha fiechtavańnia.
-
Biełaruskija chirurhi ŭpieršyniu praviali składanuju apieracyju na ŭnutranym vuchu
-
«Pamyłak nie isnuje, isnujuć uroki». Babaryka raskazaŭ, jak prachodziła jahonaje skandalnaje intervju Uładzimiru Zołkinu
-
«On pašiet, ja krasivaja». Kałhas na Mazyrščynie zavablivaje rabotnikaŭ pieśniami i tancami VIDEA
Ciapier čytajuć
U SIZA KDB adšukaŭsia padpałkoŭnik Zara, jakoha siłaviki ličać analitykam Sachaščyka. Jak jon apynuŭsia ŭ Biełarusi — nieviadoma8
Kamientary
Što zaúhodna .
Siem futau tabie pad kil i viecier va usie parusy.